Popular Bible Verses from Fulaa 7

Share

Mí Mɛlɛka dimul Moise aa: «Tofa vɔ, i siinguu nɔm maa hala Faraɔnnɔɔ o hɔl, mí siinguu Aarɔn bɛ nɔm vana-tɛɛngaa-diom Hala-o le nɔm.

Kɛ i co ndu Faraɔnnɔɔ nilan kindi peŋ. I cɔɔlunin sɔɔn kɔndɔfillon a kaamaalan tosa o lɛŋnde ndɔlen nin. Kɛ o yeŋnin niaa lani le. O kon, i cɔmnin Esiptea kpaaya nuu a kpundɛla bɛndula ya vanin nda tuisio coo lan. I mulinnin o kon kɔɔli mì soli vanaa nia a kundalan o lɛŋnde Esipte len nin, Israɛlla pɛɛn.

Kon tosan pɛ, Esiptea sina dɔ́ɔ́ maa ya co Mɛlɛka ni. Kani i tuisinin nda sangaa coo, mì soli Israɛlla nda tɛɛn.»

Mɛɛ Faraɔnnɔɔ ce dɛnɛ kon, mí ndu bɛɛ veelu vanaa ndɔa mangalaa. Mɛɛ nda hin, mí nda bɛɛ tosa lende a kpaaya nda mangalaa. Mí vana-vana vuu tinda ndɔɔ lɛŋ, mí tindala lan bɛɛ la mangalan kɛwva. Kɛ mí tinda Aarɔn-ndo misi tindala ndalan.

Lelan, Mɛlɛka dimi maa o laan ndu, a co sina válán maa ndu co Mɛlɛka ni. I co mɛmma co o pee bɛndoo Nil-lan lɔɔ a tinda co hoo ya o ba-o mì ma mangalan koovan.

«Te Faraɔnnɔɔ ɲuna niaa pɛ le dɛnɛ kɔndɔfillo tosaa, nɔm Moise, a dimul Aarɔn o cua tinda ndɔɔ, o vuu ndu lɛŋ masa kon o hɔl, haliko mo mangalan kɛwvo.» Mí Moise nda Aarɔn a kɔa o Faraɔnnɔɔ lo, má tosa mɛɛ Mɛlɛka dimul nda yɛ. Mí Aarɔn vuu tindaa lɛŋ Faraɔnnɔ kon nda vanaa ndɔa baalaa o hɔl, mí tindaa mangalan kɛwvo.