Popular Bible Verses from Dɛnnda kiilaa 9

Share

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

Mí Sol del lɛŋ, mó tuɛi diomndo pum ndu dimullo aa: «Sol, Sol, le yɛɛ nɛ n co yɛ ya yɛlen tol-lo?» Mí Sol ɲuna aa: «Nɔm nɛ̀ɛ́-nɛ̀, Maalii?» Mí diomndo muli aa: «Ya ni, Yeesu n co yɛlen tollo-o.

O kon, mí Ananias kɔa, mó kɔ luɛi cɛinin, mó handu Sol balan coo, mó dimul ndu aa: «Puapilɛ nuu Sol, Maalii Yeesu vem ya ni, o cɔmnun nɔm o nɛi lɔ́ɔ́ n va hunɔɔ-o, haliko mi hɔlta nɔmndan la kumbin vɛlɛ, mà pɛ a Hala Kɔl-Diandaa.» Fɔ́ɔ́fɔ̀, mí ɲɛlan lapum la fula Sol o hɔl maa lakɛl, mí la deli. Mí hɔltan la kumbin ndu. O kon mó can, mó sɔla yinɔɔ.