Popular Bible Verses from 2Piɛr 3

Share

Mɛlɛka tamala le sɔɛi o dimi-e peeloo maa mɛɛ vanaa pum a yiyan yɛ le. Biuvɔnndo o biwnun niaa ni, o yeema mì vana pilɛ bɛɛ lo le, kɛ o yeema mì vannda kpow a mangalan.

Kɛ dɛnɛ pilɛ co, o niaa bɛnda le pɔɛɛnɔn too, caaŋaa nia: Mɛlɛka o hɔl, paalen ten pilɛ le co macoaa maa vɔsilan vàá pilɛ, mì vɔsilan vàá pilɛ la va maa paalen ten pilɛ.

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

Paale Maalii hunnin-nden le komalnin naa maa vui. Paale len, halataalaa hiawnin a diom bɛndoo, mì ɲɛm co o halataala-on tambu a yinnden, o kon mì lɛŋnden a ɲɛm co lecoo-on ŋɔɛ.

Le mɛɛ dɛnnda lan kpow la hun tosannin lende yɛ, mɛɛ la sina niko mɛɛ niaa bɛnda le tosaa yɛ! Mɛɛ mì kela niaa va o diandaa, mì la yiinun a Hala. La va o cumndo nin, mì la tosa mì paale Hala le len le keleŋa tiiya, paale halataalaa tambunin o yinnden nin, mì ɲɛm co lon-ndon tenga o yinnde biyaalen nin-nden.