Popular Bible Verses from 2Korɛntea 5

Share

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

A laalanndo naa n co kelaa ni, o co le ɲɛm naa n co cɔw-von te.

Hala pila o ba kon kpow fula ni, o mingi naa diom pilɛ naa ndaa o Krista nin, mó ke vɛlɛ naa vallo le diom pilɔɔ mingio ndu Hala a vannda tɛɛn-ndo. Kani Hala va o Krista nin, mó mingi diom pilɔɔ ndu a vanndacieea tɛɛn, o cɔm tɛɛmbuula ndalan te. Mó viam naa vali mingiaa diom pilɛ kon tosaa.

Lelan, naa co hɔlte Krista len ni, maa mɛɛ Hala pila oo lueinin niaa yoomuan yɛ. Lelan, n co niaa tɛɛlɔn o diola Krista lan, la cɛl mi diom pilɔɔ muungu Hala a niaa tɛɛn.

Nduyɛ le vanndacieea kpow o vi vu kon ni, haliko vanaa co yoomua va lɛ yoomu le nda pila le, kɛ le vana vi mó tendul le nda-o. Lelan, n tofan ndɛ vanndo o nɛi ivanacieea coo le. Kani o tasendɔ, o nɛi ivanacieea coo ko naa n va Krista tofaa ni. Sunsun yɛ, o co lɛ o nɛi kon coo le naa n co ndu cɔu le.

Kani kaola Yeesu-o hiow naa mayoomu, bau n sínà pɛɛngu maa vana pilɛ kpé sɔla piɔ́mndo le vannda kpow ni. Lelan, piɔ́m o sɔla kon-ndo, vannda kpow a vi vu kon lende ni.