Popular Bible Verses from 1Timote 1

Share

Sɔɛi toɲɛi co hee ni, i vannda kpow a bɛnda mì n cɛl-le: Yeesu Krista hin o ceendo coo le vanaa lahakia ciindiaa. Ya co vana lahaki tasoo o nda tɛɛn ni.

Kɛ lelan Hala tuinun ya iɲíí ni. Yeesu Krista ndóò yeema mí ndóò cɔm biuvɔn ndɔ nɔ lamɛɛlu loo o ya vana lahaki bɛndoo nin, haliko mi biuvɔn kon va tɔɔmaseloo le vanaa ndáà hun laalannin ndu, mì ndáà sɔla yoomu fɛɛn-fɛɛn ndo-a.

Kɔlɔ sila kon co kaola kpeekpei co o kɔllo nin-ndo ni, yiyan kɛndɔɔ a laalan toɲaa.

Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

N sínà vɛlɛ maa o co le vanaa co dɛnɛ sandaa tosaa-a le tɔŋndo co le, kɛ le vanaa yɔŋ vɔɔnda a vanaa nila kalua, le vanaa sínà Hala le-a a le vanaa lahakia, le vanaa ke Hala a ɲɛm dendu Hala o hɔl-lon lebɛɛ le-a, le vanaa diw fuɲaa ndaa, te kon te kalaa nda-a, le vanaa diuvaa n'vannda, le vanaa tosaa dɛnnda nɔɔlɛiya a vanaa co laasianndo-a, le vanaa co yulale n'cɛlen-nda, le vanaa co còòlan dimio-a, le vanaa co mɛɛniannda lacòòvalan-nda a le vanaa-vanaa co pɛɛku toɲaa simullo.