Popular Bible Verses from 1Piɛr 3

Share

Kɛ la ke Krista co Maalii-o bɛɛlen o kɔlta niaalan nin. La va lɔ́ɔ́-lɔ́ɔ̀ a bɛɛndiannda, haliko te vanndo ɲuna pɛ niaa le kɔlɔ niaa nɔ kɔlkɛsiaa-o, la tɛɛsial ndu kɔlɔ kon. Kɛ la tosa kon o fɛ́ɛ́-fɛ́ɛ́o nin a o tuisinndo nin. La nɔ yiyannda kɛndɛlan, haliko o va bɛɛ o fondala nda co niaa congòó lan, mì siɛmbulan la bii vanaa co niaa diolan tɛɛmbuuo le kela niaa kɛndɔɔ-a.

Kani Mɛlɛka nɔ hɔlten vanaa sandaa coo, o co nilan yaŋɔɔ o piɛile ndalen, kɛ a kpaayaa Mɛlɛka mululun vanaa tosaa dɛnnda vɔɔnda ni.

Naŋɔɔ niaa va o kɔɔ daama le: lavɔɔ, kelan sianion a volɔɔla sɔvɛlan, kɛ la naŋ naŋɔɔ kɔllo, la nɔ kɔlɲuloo a kɔlkɛndɔɔ, cuɛinɔn kɔl tembu loo co kon ni, o Hala ce ɲɛ sɔvɛ bɛndoo-o.

Kani o co o sɛvaa-o co hoo ni aa: «Vana yeema pɛ le yoomoo kaolaa, mò yeema le palɛi dɛnɛ kɛndɛi cɔu, ndu bɛnda mò manda diɛɛmule ndɔlen le dɛnɛ vɔɔndo, mò manda cɔcɔn ndɔn le còòlan.» O bɛnda mò kpakpala dɛnɛ vɔɔndo, mò tosa o kɛndɔɔ, mò nuwviaa dɛnɛ kɛndɔɔ, mò tol ndu kɔɔli.

O mɛɛlulan, la nɔ yiyan pilɔɔ a ɲííye. Kaolaa va o piaa niaa o lakɔl le puapilɛa niaa, la nɔ kɛndɛi a tuisinndo. La mingì maa dɛnɛ vɔɔndo le, la mingì yeiyo le. Kɛ o niaa bɛnda le tosaa-o co duaa dɔvɔɔ ni, kani le ken niaa sɔla veeloo ni, haliko mi la loo duaa.

Nɛ̀ɛ́ saangiaa yɛnin niaa, te la nɔ pɛ dialun fulan le dɛnɛ kɛndɔɔ tosaa?

O bɛnda mò kpakpala dɛnɛ vɔɔndo, mò tosa o kɛndɔɔ, mò nuwviaa dɛnɛ kɛndɔɔ, mò tol ndu kɔɔli.

Kani o co fisa mì vana sanga o dɛnɛ kɛndɔɔ tosaa, te hɛnan Hala-o co kon ni, a sangaa o dɛnɛ vɔɔndo tosaa.