Popular Bible Verses from Hebreu 2

Share

Mąąhɔlɔɓo, yii kpɔ yaa kpinįi tii, ə mɔ̨nɔ̨ mįi ɲąąhɛn mɛ̨nį hu, a pɛli mą, ə kpɔnmąą tɛɛ nuąi ɲąąhɛn mɛ̨nį hu, di pɔ.

Yili ɓa tii kani, yɛ bələi, lɛapɛlɛɛ di ɲąmą da di kɔlɔ kaa la tanɔ̨n, bələi lɔ ɓə, Yaa kpɛlimąn, da diɛni di kpɔnŋąąi la mɛ̨nį tanɔ̨n ma; ə gɛ, nui ŋɛ̨i haa ŋą hvaŋą kaa ɲəi, yai a nąnį, ə ɉukala, a haai ə mo yaa kpinįi.

Yili ɓə gaa mą:, dɛ̨ą woo ŋɛ̨i gu mɛ̨n, ká gu ɉon a gu nwąnąi, akɛ, gu hvo bɔ, gu nwun na hvo pa pili.

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.

Kɛlaa, lə ɓə gwa pɛli gaai yiihu? Nui gɛ pələ tawolo too malakaɠaa di wɛi mui, yai a Jesus, ɉaa mɔ̨nɔ̨i tii ə mįi mąą mɛ̨nį ɓa, ə mąąwiɛlaa da lɛlɛ laa hɔlɔɓo, a mąą hon ɉɛn. Yili ɓa tii, Yálá ŋą mɛ̨inɛ̨ɛ̨ háálai, ə haa kɔlɔn, nu kanŋaa kəlee mąą mɛ̨nį ɓa.