Popular Bible Verses from Lɛɛ gbɔwɔ ɓa 8

Share

Kɛlaa, mąą yələi tii, da hva həli Gosɛn lɔi hu, ɓɛi nwɔ́ nuąi kaa laa, ə gɛ, ə́ kili ə pu ɉu yɛ́ diɛ, Ɲą́ą́ ɓə gáá a Yai-Laa Gáá nɔi hu. Mɛ̨nį nwąnąą ŋɛ̨i pai laai ə́ wɔ lɔi hu nuą diɛ, da hvo pai laai nwɔ́ nuąi diɛ. Tinąą ɓə yili kaa kɛi la.»

Yai-Laa yɛ Moisə ɓa: «'Mo Aarɔn ɓa, ə nwɔ tunwɔ̨n ɉaŋą ɲá pɛlɛɛɠaa kəlee mɛ̨i, da bowa kəlee, gbəŋəɠaa di tɛ Eziptə lɔi nąą kəlee.»

Bənən gɛ nuą diɛ tɔɔmun ma: «Yii nwɛi, Yálá kɛ mɛ̨nį ka.» Ə mą kɛ tii, tɔɔmun ə gili walawala, mɛ̨nįi ŋɛ̨i Moisə da Aarɔn di ɉu hvɛli mą, hvo gɛ, yɛ pələi Yai-Laa ə gbɛa mo la.

Aarɔn ə ɲee haŋą Eziptə yáɠaa kəlee mɛ̨i, ɲáɠaa kəlee di tɛ a gbəŋə, ə Eziptə lɔi nąą kəlee kpɛɛ mą.

Yai-Laa yɛ Moisə ɓa: «Humo kpɔ tinąą, ə́ li Eziptə tɔɔmun bɔ, gaa pai kulɔi yɛ li ɲá kwɛlɛ. Ə́ mo mą, yɛ́ mą: Yai-Laa woo ka, yɛ: 'Ɓo nwɔ́ nuąi diɛ, di li, di kwɛli hvilɛn mą́ą́.

Tɔɔmun yɛ diɛ: «Gáá hvaai mą, ŋį́ ɓo kaa, ka li ka haláá kulɔ Yai-Laa ka wɔ Yálái ɓa nɔi pun ɉu, kɛlaa, ka hvo li kwɛa la a mɔlɔ. Ka li ka Yálá hvɛli mą́ą́.»