Popular Bible Verses from Lɛɛ gbɔwɔ ɓa 10

Share

Yai-Laa yɛ Moisə ɓa: «'Li ə́ həli Eziptə tɔɔmun ma, mąąhɔlɔɓo, ɲą́ą́ ɓə gili walawala, da nwɔ ɲɛ̨itɔwɔ nuąi, ə gɛ, ŋį́ gbɔ́wɔ́ lɛ diɛ kwɛlɛɛn mɛ̨nįɠaa hu. Ŋą́ yili kɛ tii, ə gɛ, bələi ŋį́ mɛ̨nįɠaa kɛ la Eziptə lɔi hu, ka gɔ́lɔn a Yai-Laa. Ə́ pa kɛ ɉukulɔi ə́ lonnii diɛ da di wɔɔ lonnii.»

Yai-Laa yɛ Moisə ɓa: «'Ə́ yee tɛ ɲələi! Kpini ə pɛlɛ Eziptə lɔi mɛ̨i, nuą diɛ di yee pɛlɛ ɓɛ-ɓɛ.» Moisə ə ɲee tɛ ɲələi, kpinį ə pɛlɛ Eziptə lɔi nąą kəlee, ə kɛ a hvóló haaɓa. Voló haaɓai tii yee mu, nu ta hvo pɛli mɛlan gaai, nu ta hvo pɛli həɠəi ɉeei, kɛlaa, Israɛlə lonnii pɔɔli pələ, kɛɛ pɔ̨nɔ̨ ə kɛ laa.

Moisə ə nwɔ tunwɔ̨n haŋą Eziptə lɔi mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə hvóló kulɔi pələ. Vaŋą ə hvóló tɔ̨nɔ̨ da kpinį tɔ̨nɔ̨ kɛ yɛ tɛɛ; yələwala pɔ, vóló kulɔi pələ hvaŋą ə pa a peeləɠaa. Beeləɠaa di pɛlɛ Eziptə lɔi nąą kəlee. Gbulu kɛnɛ̨ɛ̨ kɛ dɛɛ gɛi ɓa, ɲɔ̨nwɔ̨mąn hvo ta kɛ li, da hvo nwɔ̨nɔ̨ pai kɛi.