Popular Bible Verses from Efɛsə 5

Share

'Ká Yálá pɔɔ kɔɔn, hvo gaai, ká káá a nwɛlikɛmąą lonnii; 'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

'Ká ká yíi pələ mąą kpɛɛ a nɛlɛɛ, 'ká hvo túwɔ́ yɛ kilikpɛɛɲəi-nuą, kɛlaa yɛ kilimąą nuą; diɛi, da yiihu yɛnɛ̨ɛ̨ ŋɛ̨i dɔlɔ hɔlɔɓo, mąąhɔlɔɓo hvóló ɲɔ̨nwɔ̨ɔ̨ɠaa kaa hɔɔi gu mɛ̨i

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii. 'Ká kɛ Yálá mąątɛ̨nɛ̨ wooɠaa ɓoi gee ɓa, 'káá Yálá laa tɛ wələɠaa too, da kalan nwələɠaa, 'ká kɛ wələɠaa tooi káá gu Nąmu laa tɛ la, a ká lii kəlee. Yələ kəlee, mɛ̨nį kəlee hu, 'ká Nąn Yálá hɛɠɛɛɓo, gu Ną́mu Jesus Kristə laa hu.

Yili ɓa, 'ká hvo gɛ yɛ nuąi di hvo mɛ̨nį kɔlɔn, kɛlaa, ká tɔɔ a ká nwąnąi, ká kɛ a gu Ną́mu liiɓa kɔlɔnŋąą.

Hinąą, káán, 'ká ká nɛ̨ąni wɛlilakɛ yɛ bələi Kristə ə Yálá ŋą kpɔn wɛlilakɛ la, ɛlɛɛ, ə gbɔwɔ kulɔ a haláá mąą mɛ̨nį ɓa.

Tɔlɔɔ yələ, ká kɛ a kpinį, kɛlaa, yiihu, káá kɛ a kɛɛ pono gu Nąmu hu. 'Ká ɲɛnɛ̨ɛ̨ kɛ kɛa, a kɛɛ pono lonnii di wɔɔ yɛnɛ̨ɛ̨ kɛ pələ.

'Káái kpɔ ká ɲɔw Kristə ɓa, 'ká lɛɛ ká keeni woo mu a mąąwiɛlaa.

Nɛ̨ąą, 'ká lɛɛ ká hilɛni woo ɲą, yɛ bələi ká gɛ la gu Nąmu ɓa.

Ə kɛ a pələi lɔpee, vilɛnŋąą káá kpɛlimąn káá: ká ká nɛ̨ąni wɛlilakɛ yɛ gbɔwɔ kpinįlee, nɛ̨ɛ̨nu ə ɉilɛ mąąwiɛ.

Yili mąą mɛ̨nį ɓa ɓə, hulɔnu a nąn da nee di lɛɛ laa, ə pa ə yili nɛ̨ą ɓa, ɛlɛɛ, di nu hveelɛi, di kɛ kɛa a kɔlɔ tanɔ̨n.

'Ká hvo ká yee too kpinį kólóɠaa hu, diɛi di tɔlɔ hvo diɛ, 'káámun, 'ká di too pono ɲą.