Popular Bible Verses from Tɛsalonikə dɔlɔɔ 5

Share

'Ká kɛ lɔ a ká kwəinɛ̨ɛ̨ a yələ kəlee; 'ká hvo kpɛla Yálá hvɛliɛ ɓa, 'ká Yálá mąmąɓo mɛ̨nį lɔpee gəlee hu, hvó gaai, yili ɓə a Yálá liiɓa ká mąą mɛ̨nį ɓa Jesus Kristə hu.

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą. Nui ká təlii, a kulɔ nwoo ɓa, yaa lɔ ɓə nwɔ̨nɔ̨ pai gɛ-mɛ̨nį kɛi ɉu.

Ka gɛ a nɛlɛɛ, nu ta hvo mɛ̨nį ɲɔ̨n gwələ kulɔ a mɛ̨nį ɲɔ̨n, kɛlaa, ka túwɔ́ a nɛlɛɛ ká kee lɔwai, ə mą kɛ, a nui lɔpee gəlee.

Yili mąą mɛ̨nį ɓa, 'ká kɛ ká keeni hvaŋąlɔi a yələ kəlee, káá ká keeni liikpələ, yɛ bələi ká kɛ gɛi la a bɔlɔ.

Ku kaa ɉuhvɛlii káá ną́n nonnii, kuɔ, nuąi di wɔ yɛnɛ̨ɛ̨ yagban na pilii, 'ká haŋą diɛ, nuą di hvaŋą hvo lɔ li, 'ká di hvaŋąlɔ, 'ká kpɔnmąą tɛɛ hvįikpɛɛ nuą pɔ, 'ká ká liilaa nu kəlee tɔwɔ.

Mąąhɔlɔɓo, Yálá hvo ŋą lííholi hee li gu tɔwɔ, kɛlaa gu ɓalo mɛ̨nį hɔlɔɓo gu Nąmu Jesus Kristə háálai

Ká kəlee kpɔ, ká káá a kɛɛ pono lonnii, a yələɓɔɔ lonnii, gu hvo a kpinį nwɔɔ, gu hvo kpɛlimąn a tɛɛhilɛ-kpinį nwɔɔ.