Popular Bible Verses from Piɛrə dɔlɔɔ 3

Share

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ. Kɛlaa, 'ká gɛ mąąwiɛlaa hu, da liinɛ̨ɛ̨ gwəi laa, əgɛ, nuą daa kɛi ká wɔɔ tuwɔ pələ lɛlɛ laa bələ ɓo Kristə hu, mɛ̨nįi da kɛ ká laa mąą hiɛi ɉu, ká laa mąą hiɛ nuą tii, di nwumɛ̨.

Mąąhɔlɔɓo, gu Ną́mu Yálá ɲɛ̨i kaa tələnmo nuą mɛ̨i, ɛlɛɛ, nwəli tɔɔ di wɔ hvɛli woo ɓa; kɛlaa, gu Nąmu Yálá a ɲɛ̨i ɲɔ̨nwɔ̨ɔ̨ hee mɛ̨nį ɲɔ̨n gɛ nuą diɛ.»

Ká mąąyili hɛnŋaa hvo kɛ lɔ ká kɔlɔ ɓa, yɛ bələi: nwun-naala lɛlɛɛɠaa, hɛni kwɛliɠaa, da mąąyili hɛn yəki-yəkiɠaa; kɛlaa, ə kɛ a liinɛ̨ɛ̨ gwəi laai noɔ ká hu pələ, yai a mąąyili hɛn hva kala, a lii lɛlɛɛ, a kpɔwɔ hu hon naa; yili ɓə mɛlɛ kaa mą Yálá ɲɛ̨i ɓa.

Hvó gaai, moɔi yɛ mą: «Gbɛɛ ɓə lamun yɛnɛ̨ɛ̨ wɛli kaa mą? Ɛlɛɛ, gaa bɔ ə nwunnąnɛ̨ɛ̨ yɛnɛ̨ɛ̨ kaa? Mąąnɛ̨ɛ̨ ə nɛ̨n dɔɔ gani vaa woo tɔwɔ, ə ɲee kɛ naaləi ɓa, ɛlɛɛ, nu ɓowo woo hvo kulɔ na, Ə bulu tɔɔ mɛ̨nį ɲɔ̨n ma, ə mɛ̨nį lɛlɛɛ kɛ, ə vaŋąlɔ ə liilaa kwɛli ɛlɛɛ, ə hvilɛn bulu.

Yili pulu, ká kəlee ka wɔ kiliŋąhiɛ ə kɛ tanɔ̨n, 'ká kwəi mɛ̨nį ə kɛ tanɔ̨n, lee-lon nwɛlikɛmąą laa, ɲɛ̨imąąwɛlikaa da kpɔwɔ mąą yɛɛ laa ə kɛ ka yəi ka keeni mąą mɛ̨nį ɓa. 'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.

Ɛlɛɛ, gbɛɛ ɓə a pɛli mɛ̨nį ɲɔ̨n gɛi a káá, akɛ, ká ká hvaŋąlɔ mɛ̨nį lɛlɛɛ kɛɛ ɓa?

Ə bulu tɔɔ mɛ̨nį ɲɔ̨n ma, ə mɛ̨nį lɛlɛɛ kɛ, ə vaŋąlɔ ə liilaa kwɛli ɛlɛɛ, ə hvilɛn bulu.

Mąąhɔlɔɓo, akɛ Yálá liiɓa ɓaa, nu ə mɛ̨nį lɛlɛɛ mąą mɔ̨nɔ̨ mįi, yili viɛlaɓoɔi ə tɛɛ mɛ̨nį ɲɔ̨n gɛɛ ɓa.