Popular Bible Verses from ဆာလံကျမ်း 94

Share

အကျွန်ုပ်​စိတ်​ထဲ၌ စိုးရိမ်ပူပန်မှု များပြား​သောအခါ ကိုယ်တော်​၏​နှစ်သိမ့်မှု​သည် အကျွန်ုပ်​၏​စိတ်ဝိညာဉ်​ကို ရွှင်လန်း​ချမ်းမြေ့​စေ​ပါ​၏​။

“​ငါ့​ခြေ​ချော်​ပြီ​”​ဟု အကျွန်ုပ်​ဆို​သောအခါ အို ထာဝရဘုရား​၊ ကိုယ်တော်​၏​မေတ္တာကရုဏာ​တော်​သည် အကျွန်ုပ်​ကို​ဖေးမ​တော်မူ​၏​။

သို့သော် ထာဝရဘုရား​သည် ငါ​၏​ခိုကိုး​ရာ​ဖြစ်​တော်မူ​၏​။ ငါ​၏​ဘုရားသခင်​သည် ငါ​ခိုလှုံ​ရာ ကျောက်ဆောင်​ဖြစ်​တော်မူ​၏​။

အို ထာဝရဘုရား​၊ ဆိုးယုတ်​သော​သူ​တို့​အတွက် တွင်း​တူး​စဉ်အခါ ဒုက္ခ​ရောက်​သော​နေ့ရက်​များ​မှ​လွတ်ငြိမ်း​စေရန် ကိုယ်တော်​ပဲ့ပြင်​သော​သူ​၊ ကိုယ်တော်​၏​တရားတော်​ကို ကိုယ်တော်​သင်ကြား​ပေး​သော​သူ​သည် မင်္ဂလာ​ရှိ​ပါ​၏​။

ထာဝရဘုရား​သည် ငါ့​ကို​ကူညီမစ​တော်​မ​မူ​လျှင် ငါ​၏​စိတ်ဝိညာဉ်​သည် တစ်ခဏချင်း​တွင် ဆိတ်ငြိမ်​ရာ​အရပ်​၌ နေ​ရ​ပေ​လိမ့်မည်​။

အကြောင်းမူကား ထာဝရဘုရား​သည် မိမိ​လူမျိုး​တော်​ကို ပစ်ပယ်​တော်မူ​မည်​မ​ဟုတ်​။ မိမိ​၏​အမွေ​တော်​ကို​လည်း စွန့်ပစ်​တော်မူ​မည်​မ​ဟုတ်​။