Popular Bible Verses from ဆာလံကျမ်း 2

ငါ့​ထံမှ​တောင်း​လော့​။ တောင်း​လျှင် တိုင်းနိုင်ငံ​တို့​ကို သင်​၏​အမွေ​အဖြစ် ငါ​ပေး​၍ ကမ္ဘာမြေ​အစွန်း​တိုင်အောင် သင်​၏​ပိုင်ဆိုင်​ရာ​ဖြစ်စေ​မည်​။

သား​တော်​ကို​နမ်း​ကြ​လော့​။ သို့မဟုတ်လျှင် အမျက်​တော်​ထွက်​သဖြင့် သင်​တို့​သည် လမ်း​၌​ပျက်စီး​ကြ​ရ​လိမ့်မည်​။ အကြောင်းမူကား ကိုယ်တော်​၏​အမျက်​တော်​မီး​သည် တစ်ခဏချင်း​တွင်​တောက်လောင်​လိမ့်မည်​။ ကိုယ်တော်​ကို​ခိုလှုံ​သော​သူ​အပေါင်း​တို့​သည် မင်္ဂလာ​ရှိ​ကြ​၏​။

ကမ္ဘာမြေကြီး​ပေါ်ရှိ​ရှင်ဘုရင်​တို့​သည် ထ​ကြ​၍ အုပ်ချုပ်​သူ​တို့​သည် အတူတကွ​စုဝေး​ကြ​ကာ ထာဝရဘုရား​နှင့် ကိုယ်တော်​ဘိသိက်ပေး​ထား​သော​အရှင်​ကို ဆန့်ကျင်​လျက် “​သူ​တို့​၏​အချည်အနှောင်​များ​ကို ငါ​တို့​ဖြတ်​ကြ​စို့​။ သူ​တို့​ချည်​သော​ကြိုး​များ​ကို ငါ​တို့​ထံမှ​ပယ်ရှား​ကြ​စို့​”​ဟု ဆို​ကြ​၏​။

ထို့ကြောင့် ရှင်ဘုရင်​တို့​၊ ပညာသတိ​ရှိ​ကြ​လော့​။ ကမ္ဘာမြေကြီး​ပေါ်ရှိ​တရားစီရင်​သူ​တို့​၊ ပဲ့ပြင်​ခြင်း​ကို​ခံယူ​ကြ​လော့​။ ကြောက်ရွံ့​သော​စိတ်​ဖြင့် ထာဝရဘုရား​၏​အမှု​တော်​ကို ဆောင်ရွက်​ကြ​လော့​။ ထိတ်လန့်တုန်လှုပ်​လျက် ရွှင်လန်း​ကြ​လော့​။