Popular Bible Verses from Roma 9

Share

Hangkan kataꞌuhante weꞌ dumaꞌin sabab bayaꞌte atawa pagtuyuꞌte maghinangan hāp hangkan kite kaꞌaseꞌan Tuhanin, saguwaꞌ weꞌ bayaꞌ Tuhanin maꞌaseꞌ iye si kite.

Saguwaꞌ Tuhanin magbayaꞌin bang sine pineneꞌne hinangne meꞌ aꞌanen. Paꞌinne pu si Musa, “Aku magbayaꞌin bang sine kaꞌaseꞌankun. Aku magbayaꞌin bang sine kaluꞌuyanku ateyin.”

Daꞌa iyan bissāhun. Sine kew weꞌ tajampanu Tuhanin bu manusiyaꞌ kew hadja? Makajari ke paliyukin magpaꞌin si aꞌa mangahinang iyehin, “Weꞌey ku hinangnu sa inin?”

Hangkan takitete weꞌ Tuhanin maꞌaseꞌ si sasuku kabayaꞌanne kinaꞌaseꞌanin. Duk amban bayaꞌne isab pasagadanne meꞌ aꞌahin magtuwas kōk.

Kataꞌuhante weꞌ aꞌa maghinang paliyukin taga kapatut maghinang ine-ine kabayaꞌanne hininangin. Amban da kubbeng bulak ngahinang iye dambuwaꞌ pangisihan hāp manamal duk mahalgaꞌ duk dambuwaꞌ isab gaꞌi tantu hāp duk ginuna kahabaꞌ ellew.