Popular Bible Verses from Mateo 23

Share

Sine-sine kaꞌam mabayaꞌ pinalangkew teꞌedin subey iye daraꞌakanbi.

Sine-sine mahadje dine pinadiyawaꞌ du, duk sine-sine madiyawaꞌ dine pinahadje du.”

“Kaꞌaseꞌ-aseꞌ kaꞌam meꞌ guru si saraꞌ āgamahin duk meꞌ Pariseohin peggeꞌ asal legga Tuhanin du kaꞌam. Magmā-mā hadja kaꞌam nuhut Tuhanin. Magjakat kaꞌam bisan sampay jambanganbi pagpā-pā kinakanin. Saguwaꞌ gaꞌi kaꞌam nuhut meꞌ daꞌakan malangkewin. Gaꞌi kaꞌam bentel, gaꞌi kaꞌam maꞌaseꞌ si saweꞌbi, duk gaꞌi kaꞌam tapangandelan. Hāp bang kaꞌam magjakat, saguwaꞌ subey gaꞌi tayikutanbi meꞌ hinangan pinaꞌinku miyaꞌan.

“Kaꞌaseꞌ-aseꞌ kaꞌam meꞌ guru si saraꞌ āgamahin duk meꞌ Pariseohin peggeꞌ legga Tuhanin du kaꞌam. Magmā-mā hadja kaꞌam nuhut Tuhanin. Kinosoꞌan weꞌ bi tikungin duk laleyin saguwaꞌ diyalemnen haram, peggeꞌ taꞌeddoꞌbi meꞌ kinakan iyan sabab pangakkalbin duk pagnapsubin.

“O, meꞌ aꞌa Awrusalam, suse ku sabab kaꞌam. Luwal papateybi meꞌ nabihin duk pagtibaganbi meꞌ dinaꞌak Tuhan mapiyu si kaꞌamin. Mimpiye ne kaꞌam batang pagtipunku duk ipatku kuweꞌ dalil bukaran magtipun meꞌ usuynen diyawaꞌ peppikne, saguwaꞌ gaꞌi kaꞌam mabayaꞌ.

Damikkiyan du isab kaꞌam, si meꞌ aꞌa kuweꞌ bantuk bentel kaꞌam, saguwaꞌ dem ateybin magdustaꞌ hadja kaꞌam duk ngalanggalan saraꞌ.”