Popular Bible Verses from 1 Korinto 1

Share

Saguwaꞌ pagtuꞌuran weꞌ Tuhanin pineneꞌ meꞌ kinimmatan meꞌ aꞌa weꞌ gaꞌ niyaꞌ kataꞌunen supaya kaꞌiyaꞌ-iyaꞌan du meꞌ aꞌa maniyaꞌ kataꞌunen. Duk pineneꞌ isab weꞌ Tuhanin meꞌ kinimmatan meꞌ aꞌa weꞌ gaꞌ niyaꞌ basagnen supaya kaꞌiyaꞌ-iyaꞌan du meꞌ aꞌa maniyaꞌ basagnen.

Bang inusihatan meꞌ aꞌahin sabab kamatey Isa Almasi diyataꞌ olomin, paꞌin meꞌ aꞌa tudju narkaꞌin, weꞌ kadupangan usihat miyaꞌan. Saguwaꞌ kite bi meꞌ aꞌa tudju surgaꞌin, kataꞌuhante bi weꞌ tuꞌu si usihat inin takite teꞌed balakat Tuhanin.

Peggeꞌ bisan paꞌin meꞌ aꞌahin weꞌ gaꞌ niyaꞌ kagunahan hininang Tuhanin panimbulne kitehin, saguwaꞌ pasōng pe teꞌed kataꞌu Tuhanin amban kataꞌu meꞌ manusiyaꞌin kēmon. Duk bisan pe magpaꞌin meꞌ aꞌahin weꞌ lamma Tuhanin peggeꞌ matey du Isa Almasi diyataꞌ olom, saguwaꞌ gaꞌ niyaꞌ aꞌa balakatan amban iye.

Asal pabasag Tuhanin sandelbin peggeꞌ kapangandelan teꞌed Tuhanin duk tapeneꞌ kaꞌam weꞌ ne supaya kaꞌam magdambuwaꞌ duk Anaknen Isa Almasi, iye Panuhutanten bi.

Meꞌ kapungtinaꞌihanku, kaꞌurungan ku kapatut weꞌ Isa Almasi, Panuhutanten bi, hangkan junjungku si kaꞌam, magsulut-sulut be kaꞌam kēmon. Daꞌa kaꞌam magpaꞌil-paꞌil, saguwaꞌ subey kaꞌam magdambuwaꞌ isun duk pamikil.

Na, bang iye ne inin, saꞌingge ne meꞌ aꞌa malalem kataꞌunen? Saꞌingge ne meꞌ aꞌa malangkew pangadjiꞌnen? Saꞌingge ne meꞌ aꞌa kinimmatan manusiyaꞌ mapandey magsuꞌalin? Gaꞌ du niyaꞌ gunane. Peggeꞌ pinahāti weꞌ Tuhanin weꞌ kataꞌu meꞌ manusiyaꞌin gaꞌ niyaꞌ gunane bang si iye.