Popular Bible Verses from 1 Pita 3

Share

Ito dukatipo li uluwitiki li lolowa ikadeko, Kalaestikaho We napatipo wehe loko lolo ideyo. Sa-ikadeko saina-mainamuya dukadunu ewa iki ubolo minikaka niabomuya loka nilibitadeko maya, li lolowa iki monawa lo soto moloko betune liki li wati ikigo minalo. Sa-nikiya gaya moletiki edimokumu elitaboya aha nesa lolo amideko dukauya lahelamibo ga minamideko wati iki li bitae. Sa-itabomuya edimokumu liwi letiwi nidekoma, Kalaestiki koliki wati iki minatabo nesalimoya yatoka suwalo wewenasida ganipomidana monawaya soto pekadeko dupalo elikilae.

elewole oko minokaka nesamuya dukauka wati ideko elowa jeko minatune liki maya depalo ujapa i-miniki lahelamibo gahena lamiki minatae. Ito depadunu suwa ga mako lamitae. Ito lahelamibo nesamidana demesa mikiki saina laloya lolo itae. Dukaya hulu iki miniki ya yowanumidana ihilaya letune liki iki moliki iki minatae.

Ito edimo dupatipolokaya onowe nesamu ito yopatipo li lalo-talo ikaka nesamuya ito onowe lalo kolikaka nesamu ito di dadeloka saina meinawa yoweko nebo nesa li kolikaka nesamuya data kiki amilo. Sa-noideko, dukauya moletiki hulu iki minatabo nesalimoya dukauka wati okogo nedeko, onowelaki elewole oko minokakamidana ito asehawa lamokakamidana ito Omailimoya napa-napa nesa ne loko elitibomidanaya mudatae.

Yamuya monoka bukuguya ga mako sa-loko ne: We napalimoya wehe liki minikaka niabo wewenasitokago mudaidoko emotoka likaka niabomuya ata moloko ameme noiboya, lahelamibo nesa lolo ikaka niabo wewenasidamuya We napalimo mudaiboya, wehe laminako, elewole oko minokaka nesamuya dukauka wati ideko elowa jeko minatune liki maya depalo ujapa i-miniki lahelamibo gahena lamiki minatae. Ito depadunu suwa ga mako lamitae. Ito lahelamibo nesamidana demesa mikiki saina laloya lolo itae. Dukaya hulu iki miniki ya yowanumidana ihilaya letune liki iki moliki iki minatae.

Sa-nikiya le nupa oko lo libituyo. Sakikiya mukiya dukatipo moli makokoto ikiki wati iki miniki duka emo mideko emo mideko iki wewenatipolesidamu eliki dupatipo liki limiki minalo. Lahelamibo nesa lolo nilibitadeko maya, dade lihima liki aya wewenasida lolo ibitamilo. Edimosidama liwi letiwi ga nilibitadeko maya, asaiki libitamiki makuya bilo. Edimosida maku libekoyoko, elewole nesa litae loko Omailimo lesa mololibetonebo maya nenako, edimosiya asaikiya maku aya libitalo.

Edimosiya sainala lalomuya wiki koliki minadeko, wewena mako ekahimamo lahelamibo nesa lolo olibetatiye.

elewole oko minokaka nesamuya dukauka wati ideko elowa jeko minatune liki maya depalo ujapa i-miniki lahelamibo gahena lamiki minatae. Ito depadunu suwa ga mako lamitae. Ito lahelamibo nesamidana demesa mikiki saina laloya lolo itae. Dukaya hulu iki miniki ya yowanumidana ihilaya letune liki iki moliki iki minatae.

Sa-etibo neyo, yamuya sa-liki eli-minalo: Edimoya saina lalo lolo iki minadeko, Omailimo mudatiboya, wehe lokadeko, kohaidiki nala hilibitataboya dowa loko ne. Ito edimotipo lihima likadeko lolo ilibitatabolimoya, woko dowa lametiye.