Popular Bible Verses from Tɛnɛ Faalaaliiti 3

Ɠaliva Ɠɔoɠɔ GALAGI ma ga è-yiimaʋɛ pɛ, mina ʋoluzei è ɓɔɠɔ ɠeleɠelegi ʋa. Ziimai ɠaiziɛ è-ɠɛɛ vaiti kpein su, toɠa è-ziɛ ʋele ʋagɔiti dɛɛ ga ɗe.

Mina ɓɔɠɔ zeɠe ga ɠima nu, lua Ɠɔoɠɔ GALAGI ʋa, è maaɠooza faa ɲɔi ʋa.

Ɠɔoɠɔ GALAGI lɛbi ga è-zɔlɔɔ gani ʋagɔiti, ta è-zɔlɔɔ ganii ma mɔungiti kpein. Naazu, ɗa-molo ɠotaiti daa ɠa ve gola, ɗa-lɔɔ liɠiiti daa ɠa ve ga dɔɔ niinɛiti.

Mina ʋala wooɠɛɠiladai ma, ta gaamai, ti ɠili ɠɔbu, è ti zɛʋɛ è-yiimaʋɛ.

Dòun zunu, mina ɠɛlɛ Ɠɔoɠɔ GALAGI ná-maaɠoloi ʋa, mina ná-zelilomai ʋɛlɛʋɛlɛ. Mazɔlɔɔ nii Ɠɔoɠɔ GALAGI nɛai ʋɛ, naa ɠa a ɗa zelii lo ma, eɠɛʋelei doun kɛɛɠɛi a ɗa kɛ la ná-doun zunui ʋɛ, nii nɛai bɛ.

Dòun zunu, mina yeema nà-kala gooiti ma, makɛ nà-deveiti ma è-yiimaʋɛ. Mazɔlɔɔ ta ta ʋili ɗa-voloi liegɔiti su, ta è-zii ma ɠonagiti, ti undaanɛɛi ve è ʋɛ.

Undaanɛ nu ɠa ga naama zunui, nii é ɠigi zɔlɔɔgai, zunui nii é ga kidafaawu nui! Mazɔlɔɔ kulanumai é sɔlɔɔsu, naa vizɔgɛ walii nɔnɔi ʋa, ná-tɔnɔgi vizɔgɛ zanu kitei ʋa. Fizɔgɛ é leʋe kɔtu zɔngɔ ɓaagi pɛ ba, è yiima anii tanɔpɛ ge la vizɔga ga tɔun kɛʋele.

Siɛnɔpɛ su zobogi è ʋɛ la, mina ɠɛlɛ, è ʋa ɓe ɓɔsu naati ba, niiti ti ɓalaai.

Ɠɔoɠɔ GALAGI ná-ɠimalai ɠa é zooi ɓɛtɛni la, ná-keleɠelegi ɠa é geeɠɔlɔgi ɓɛtɛni la.