Popular Bible Verses from Maleke 13

Share

Ɛsɛ pɛ ka wo wɔinzeɠe nɔ̀un maaʋele ma. Kɛlɛ zɔi a lo kpaan eyɛsu gaaɓelasuʋɛ zeeli, naa ɠa ɠizo.»

À wɛlɛ ɓɔɠɔ ma, wo ɠaazuɓa, tɔɔzei wo la yeeɠɛɠalai ɠwɛɛ.

Siɛgi zu ti liizu la ga woye tukpɔɠaaleʋezuʋɛ, à mina yiizoolɛ ma yeeluɠɔ ga nii wa bo. Kɛlɛ à naa nɔ wo, nii a ve wo ya naama yeeɠɛɠalai nɔ zu. Tɔɔzei wa lɛi wo ʋa ɠɛ ɓɔɛzu, kɛlɛ Zɛnvu Ɲadegai ɠa a ɓɔɛ.

Geeɠɔlɔgi ta zooi ta leʋe, kɛlɛ nɔ̀un daawooiti ti la leʋega pɛ.»

«Nii é ga foloi ta yeeɠɛɠalai nii naama vai ʋaazu ɠɛɛzu la, nu nɔpɛ ge la naa ɠwɛɛ. Geezuɠeelaiti ti la kwɛɛ, Nu ná-Doun Zunui ɓɔɠɔi ɓalaa ge la kwɛɛ, kɛni Ɠɛɛɠɛ GALA gila kpe nɔ ɠa é kwɛɛ.

Siɛgi zu wo kɔɔiti maawoo mɛnisu da, ta kɔɔiti maalugi, à mina ɓɔɠɔ yɛ ziiɓɔlɔi zu. Mazɔlɔɔ kɛni naama vaiti ti ɠɛ, kɛlɛ naa lɛi é ʋa ɠɛ ɠɛɛzu ga gaaɓelagi.

À ɠaazuɓa mu, tɔɔzei wo la kwɛni, yeei pɛlɛ kɛɛɠɛi ʋaazu la. Ɓaa toɠa ʋa ga kpɔkɔi, ɓaa kua zaamai, ɓaa tɛɛ zinɛi a ɓɔɛna, ɓaa sobuzobui? Wo la naa ɠwɛɛ. Ni a ʋaana ga kulafilibai, maa la nɛɛni é ʋa wo ɠa ɲiizu. Nii ɠani gè bosu wo ma, nà bosu ɛsɛ pɛ ma: À ɠaazuɓa!»

Mazɔlɔɔ zii ta ɠa wuzeɠe bɔɔla zii laalɔɠɔma, masadai ta ɠa wuzeɠe bɔɔla masadai laalɔɠɔma. Zou ɓaliiti ta ɠɛ ada mɔinmɔin, ta pulu wolaiti. Kɛlɛ naa ɠa ɠɛ nɔ eɠɛ doun zɔlɔɔ koozuwanai lɔɔzeizuʋɛ.

Kɛni dɛ Woo Niinɛ Ʋagɔi laa ɠa zeelina ziiti pɛ ma.

Nu mɔinmɔin ka kpɛtɛ ɠisu ga ti ʋa dàaseigi zu, ti ɗa ɠɛ ma ‹Nà ɠa gè ga Kilista,› ta nu mɔinmɔin kaka.

«Wa ɓɔɠɔi, à dama ga ɓɔɠɔ, tɔɔzei ta ʋaazu liizu ga woye tukpɔɠaaleʋezuʋɛti. Ta wo loɠa GALA dɛbi ʋɛlɛiti bu. Ta wo lo kundiɠiiti ta masagiti kakala nɔ̀un maaʋele ma, nii a kɛ wo zeele wooi wo ti ma.

Zɛɛ Kilistaiti ta zɛɛ ɠala goo wo nuiti ta ʋaazu ɠulazu kɛlɛma, ti ɗa laavɔɔ vaiti ta maaɓɛlɛ vaiti kɛ, nii a kɛ ti nuiti yaava, ni toɠa zoo ɠɛɛzu, ti naati yaava, niiti GALA ge yiimazeɠeai ga tiye.

«Kɛlɛ naama voloiti su, kidaaʋiligi ma ziɛgi a leʋena, foloi zu ɠa ɓidi, alugi la mɔ ná-wozakalagi vea. Somideɠaiti ta ɠula geeɠɔlɔgi ʋa, ti loo bu, geeɠɔlɔgi zu zɛbɛiti ta ɲiikpi.