Popular Bible Verses from Matiyo 5

Share

Nu la ɗa ga lanboi ɠaazoga, è ʋa dɔ aniɲakai wu, kɛlɛ nu mu ka ɗa sei lanbo zei anii ɠa, ʋɛ a ɠɛ zosu ná, é nuiti pɛ maa ɠɛ kala pɛlɛi wu. Ʋele ɠana, wa-wozakalagi maanɛai é volo la nuiti gaazu, naa ɠa a kɛ ti wo-ɠɛɛ vaa ʋagɔiti pɛtɛ, ti lɛbiyai ve wo-Ɠɛɛ ʋɛ, nii é geeɠɔlɔgi zu.

Wa ɠa wo ga eteai ná-wozakalagi. Taa wolai nii togai gize unmaʋɛ, naa la ɗa ga zoo lɔɔɠuzu.

Undaanɛ nu ɠa ga niiti ti-yiimaʋɛ ɲadegai, tɔɔzei ta GALA ka.

Undaanɛ nu ɠa ga niiti telebodai ma ʋului ta ma ɓɔle wɔin ti ma, tɔɔzei ta yiɠo.

Kɛlɛ nɔ̀un, nà bosu wo ma ga: À wo zili nuiti nɛɛ ʋɛ, wo GALA fali naati bɛ, ti wo wɔinzeɠezu

«Undaanɛ nu ɠa ga niiti ti ga bala nuiti zɛnvui zu, tɔɔzei geeɠɔlɔgi ma masadai ɠa ga tɔnɔ.

Undaanɛ nu ɠa ga niiti ti ʋaazu ga ziilɛigi ti-maaɠoolii zu, tɔɔzei ta loli ga GALA dointi.

Undaanɛ nu ɠa ga niiti ti ɠɔlɔzu, tɔɔzei GALA ka ti ɠaanɛɛnɛ.

Undaanɛ nu ɠa ga niiti wɔinzeɠemai zeelizu ti ma telebodai maaʋele ma, tɔɔzei geeɠɔlɔgi ma masadai ɠa ga tɔnɔ.

Undaanɛ nu ɠa ga niiti ti maawɔinɠai ɠɛɛzu, tɔɔzei GALA ka ti maawɔinɠa.

«Undaanɛ nu ɠa ga woye, siɛgi zu nuiti ti wo ʋoomusu da, ti wo wɔinzeɠe, ti zɛɛiti pɛ wo ma nɔ̀un maaʋele ma. À ɠoozunɛ naazu ga gola, mazɔlɔɔ kulanuma wola ɠa wo ya geeɠɔlɔgi zu. Tɔɔzei ʋele nɔ ɠana ti GALA goo wo nuiti wɔinzeɠeni la, niiti ti leʋegai wo luɠɔ.

Undaanɛ nu ɠa ga ɓɔɠɔmaayei nuiti, tɔɔzei GALA ka zooi ve ti ya ga tɔnɔ.

«Wa ɠa wo ga eteai ná-kpoloi. Kɛlɛ ni kpoloi ná-ɲɛmigi ɠa ɠulana ba, nu ɠa zoo feezu zea ɠale ʋolu? Kulanuma nɔpɛ ge la mɔ ba, kɛni niina é ʋili ya nɔ, nuiti ti ɗa ziɛ su.

Naa ɠa é ba, à ɠaaɓa, wo laazeeli fai pɛ su, ʋelei wo-Ɠɛɛ laazeeliai la, nii é geeɠɔlɔgi zu.

Wa ɠɛna ɓɔɛa, à ɠɛ nɔ ‹Un,› ɓaa wo ɠɛ ‹Ɓa.› Nii kpein é ʋilɛsu naa ʋolu, naati ta ɠulazu Inɛgi ya.

«Wo mɛnigɛ ga é woni ga: ‹Nu ɠaazuɠɛzɛi ʋoto ka ɠɛ ga nu ɠaazuɠɛzɛi, nu ɲiiga ʋoto ka ɠɛ ga nu ɲiiga.› Kɛlɛ nɔ̀un, nà bosu wo ma ga: À mina wɔnɔ ʋotokula nu ɲɔu ma. Ni nu a è loɠana è-yeezazu ʋele woizuʋɛ, è-ɠɔʋɛzu ʋele gelei lete ma.

Ni è-yeezazu ʋele ɠaazuɠɛzɛi ɠa é è loozu kotoi zu, kula su, è pili ya poun. Tɔɔzei fizɔgɛ è ma, è-ʋaalobazuʋɛ gila kpe nɔ undaaʋili, kɛlɛ è-ɓusɛi pɛ ge mina ʋili undaaʋili abui zu. Ni è-yeezazu ʋele yeei ɠa é è ʋilisu kotoi zu, teʋe ɓɔɠɔ ʋa, è pili ya poun. Tɔɔzei fizɔgɛ è ma, è-ʋaalobazuʋɛ gila kpe nɔ undaaʋili, kɛlɛ è-ɓusɛi pɛ ge mina ʋili undaaʋili abui zu.