Popular Bible Verses from Matiyo 26

Share

À ɠaazuɓa, wo GALA fali, wo mina ʋa loozu tɛgai zu. Nui yɛnvui laavegɛ ga kisiɛ ʋagɔiti, kɛlɛ zɛbɛ la kpusɛi ʋa.»

É ɠɛni ti ma: «Ziiɓɔlɔi ʋooʋa zìimaʋɛ ma, eyɛsu é ɠɛ é pàa. À yɛ ʋɛ, ade ɠaazuɓa ʋɔɔma.»

É lago liini fɔɛn luɠɔ, é laaʋɛ zooi ma, é GALA fali ɠani, é ɠɛ ma: «Ee, Kɛ̀ɛ, ni toɠa zoo ɠɛɛzu, soolɛi ma ɗaawɔi nii maaɠooza bà. Kɛlɛ anɛɛ naa ʋe, zìima vai mina ɠɛ, kɛni ɗɔnɔi nɔ.»

Nii ɠa é ga mà ɲamai, nii é minazeɠegi laazeelizu. Tɔ ɠa puai nu mɔinmɔin bɛ, nii a kɛ ta-ɠotoiti suvaayɛ ti ʋɛ.

Siɛgi zu ti ɠɛni daamii wosu da, Yesu ɓului zeɠeni. Kpegai ma ga mama fee ƓALA falii wo, é galeɠaleni, é fe kaladopoiti zea, é ɠɛ ma: «À seɠe, wo mi, nii ɠa é ga kpùsɛi.»

Naa ʋoluma, é ziawɔi ta zeɠeni. Kpegai ma ga mamagi ve GALA bɛ, é feeni ti ya, é ɠɛ ma: «Wo pɛ à ɓɔɔle ga nii.

É ɠaleni ma kaladopoiti pɔ bɛ, é ti ɠa ɲiizu. É ɠɛni Piyɛlɛ ma: «Deɠɛmu wo la zooni, wo ʋa yɛ bà, ade ʋa ɠaazuɓa ʋɔɔma lɛlɛ ɠila daawu!

Gè bo wo ma, gè la mɔ ansaɠɔ gwaai ma ɗɛi nii ta ɓɔlea pɛ, eyɛsu foloi ada kpɔle la ʋɔɔma ga niinɛ, Kɛ̀ɛ ná-masadai zu.»

Piyɛlɛ ɠigi looni naama wooi zu, nii Yesu boni ma ga: «Tɛɛ zinɛi ʋa ɠɛ é ɓɔɛ, ɗa ʋaazu ɠɛlɛzu bà ná zeizu ɠɛ saʋa.» É ɠulani, é wɔlɔ ga gola.

À wuzeɠe, ade li. Zɔi é yàavazu, wɛlɛ ba, é ʋaazu.»

Yesu ɠɛni ma: «Ɗa-woɠa zɔkpɔi lɔ ma laɠagi zu, tɔɔzei zɔiti kpein ti kɔɔi ɠɔɔzu ga boɠa zɔkpɔi, ti undaa ɠa ʋili ga boɠa zɔkpɔi.