Popular Bible Verses from Ezekiyɛle 34

Share

«Zɔi é looni ya, nà naa ɠaiziɛ. Zɔi é ɠakani, nà ʋa ga naa. Zɔi kɔɠɔi ɠaleni, nà naa ɠɔɠɔi maavelevele. Zɔi é ɠɛni zeeɓɛzu, nà naa zale. Zɔi gola wulɔai, zɛbɛi ba, nà naati gaaleʋe. Nà ti makɛ ga telebodai.»

Nà dama kpɛ, gè ti ɠaalɛ ba, eɠɛʋelei baala makɛ nui a ɗa ná-baala kpulugi ɠaalɛ ba la, ta vazana ɲɛgɛlɛin. Nà li, gè nà-baala kpulugi ɠaiziɛ adaʋɛ pɛ, ʋɛti ti vazani náti, ɓumugi ta kpidii ʋɛɛ yeei ti ma.

Mazɔlɔɔ Maliɠii Ɠɔoɠɔ GALAGI wooi ɠaa: «É zo za ma niina, nà ɓɔɠɔ ɠa gè ɠaaɓaazu nà-baalagiti ma, gè ɗa ti maavai ɠɛ.

Nà ɓɔɠɔ ɠa nà nà-baala kpulugi makɛ, nà ɠa nà dooɠogi ve zea,» Maliɠii Ɠɔoɠɔ GALAGI wooi ɠana.

« ‹Wa ʋe, nà-baalagiti, nà ɠaaɓaazu wo ma, wa ga nuɓusɛiti, nɔ̀un nà, nà ga wa-ƓALAGI,› » Maliɠii Ɠɔoɠɔ GALAGI wooi ɠana.

«Ɗa ʋe, zunui, GALA gooi wo Izilayɛle makɛ nuiti daalɔɠɔma, ɠɛ baala makɛ nuiti ma: ‹Maliɠii Ɠɔoɠɔ GALAGI wooi ɠaa: Maanɔɠɔi ɠa Izilayɛle makɛ nuiti tuɠɔ, wɔiti wo ɠaaɓaai nɔ ɓɔɠɔ nɔ ma! Baala kpulugi laade baala makɛ nuiti ta ɗa ɠaaɓaa ma ɓaa?