Popular Bible Verses from عَننَبِ يٍرٍ مِ 23

Share

عَدَ مَدِ نْمَ عَ نْشُندٍ ﭑ مَ؟» عَلَتَلَ شَ مَسٍنيِ نَن نَ كِ. «ﭑ مُ نَ كٌورٍ نُن بْشِ بِرِن مَ شّ؟» عَلَتَلَ شَ مَسٍنيِ نَن نَ كِ.

عَلَتَلَ شَ مَسٍنيِ نَن يَ؛ «لْشْي قَمَ نّ قَدٍ ﭑ دَوُدَ شَ دِ تِنشِنشِ رَكٍلِمَ لْشْي نَشّ. عَ حَمَ يَمَرِ مَ نّ لْننِ، تِنشِنيِ، نُن سّرِيّ رَ بْشِ كُي. نَ وَشَتِ يُدَيَ كِسِمَ نّ، عِسِرَيِلَ بْحّسَ سْتْ، مِشِيٍ عَ قَلَ، ‹عَلَتَلَ قِندِشِ وٌن مَ تِنشِنيِ نَن نَ.›»

عَلَتَلَ شَ مَسٍنيِ نَن يَ؛ «حَشَنكَتّ نَ ﭑ مَ حَمَ يَرٍرَتِيٍ بّ نَشٍيٍ بَرَ ﭑ مَ حَمَ رَلْي، عٍ بَرَ عٍ رَيٍنسٍن.

«ﭑ قَمَ نّ ﭑ مَ حَمَ بِرِن نَ، ﭑ نُ بَرَ نَشَن شَنِن حَمَنّ مَ. ﭑ قَمَ نّ عٍ رَفبِلٍندٍ عٍ شْنيِ عَلَكٌ عٍ مَن شَ وُيَ، عٍ شَ قٍ مَن شَ سْونّيَ. ﭑ يَرٍرَتِيٍ تِمَ نّ عٍ بّ نَشٍيٍ مّينِمَ عٍ مَ. عٍ مُ فَاشُمَ سْنْن، عٍ مُ سّرّنمَ. ﭑ عٍ هَيِ بِرِن قَنمَ نّ عٍ بّ.» عَلَتَلَ بَرَ نَ مَسٍن.

عَلَتَلَ بَرَ عَ مَسٍن، «وٌ نَشَ وٌ تُلِ مَتِ نَمِحْنمّيٍ شَ مَسٍنيِ رَ. عٍ نَشَن مَسٍنمَ وٌ بّ عَ قِندِشِ وُلٍ نَن نَ. عٍ لَامَتُنيِيٍ شَ قٍ قَلَمَ وٌ بّ نَشٍيٍ قَتَنشِ عٍ يّتّ شَشِلِ مَ. عَلَتَلَ شَ مُ عَ مَسٍنشِ.