Popular Bible Verses from عَننَبِ عٍسَيِ 60

Share

«وٌ كٍلِ، وٌ شَ نَءِيَلَنيِ بَرَ قَ، عَلَتَلَ شَ نْرّ بَرَ تِ وٌ مَ.

حَمَنّيٍ قَمَ نّ وٌ شَ نْرّ مَ، مَنفّيٍ بّندُنمَ نّ وٌ شَ لٌولٌي شَ يَنبّ مَ.»

دِ مِ بَرَ دُ سُ بْشِ بِرِن شُن نَ، كُيٍ بَرَ عِقْورْ نَ حَمَيٍ مَ، كْنْ عَلَتَلَ بَرَ تِ وٌ شُن مَ، عَ شَ نْرّ بَرَ لُ وٌ يَ مَ.

هَلِ وٌ شُرُن، وٌ سّنبّ لُمَ نّ عَلْ فَلِ بٍلٍبٍلٍ. عَلَتَلَ نَن ﭑ نَ. ﭑ يِ وَلِ رَبَمَ نّ مَقُرٍن مَقُرٍن.»

سٌفٍ شَ مُ يِرٍ عِيَلَنمَ وٌ بّ يَنيِ رَ سْنْن، كِكٍ شَ مُ يِرٍ عِيَلَنمَ وٌ بّ كْي رَ سْنْن. عَ كٍلِمَ عَلَتَلَ يَتِ نَن مَ، عَ عَ شَ نْرّ قِمَ نّ وٌ مَ عَبَدَن.

سٌفٍ نُن كِكٍ مُ دُلَمَ سْنْن، عَلَتَلَ نَن قِندِ مَ وٌ شَ نَءِيَلَنيِ رَ تّمُي بِرِن. وٌ شَ سُننُنيِ تّمُي حْنمَ نّ.

وٌ نَ نَ تٌ، وٌ سّيوَ مَ نّ هّرِ رَ، وٌ بْحّ حّلّشِن. بَننَيَ نَشَن نَ بَا نَاكِرِ مَ عَ قِندِ مَ نّ وٌ فبٍ رَ، حَمَنّيٍ شَ بَننَيَ قَ لُ وٌ شْنيِ.

«وٌ وٌ يَ رَفٍ وٌ رَبِلِنيِ. عٍ بِرِن مَلَنشِ وٌ يِرٍ، وٌ شَ دِيٍ قَقٍ كٍلِقٍ يِرٍ مَكُيٍ، وٌ شَ دِ فِنّيٍ دْشْشِ مِشِيٍ تُنكِ قَرِ.

وٌ شَ حَمَ لُمَ تِنشِنيِ نَن كُي، وٌ شَ بْشِ لُ وٌ بّ عَبَدَن. وٌ لُشِ نّ عَلْ سَنسِ سٌلِيٍ ﭑ نَشٍيٍ سِشِ ﭑ بّلّشّ رَ، عَلَكٌ ﭑ شَ ﭑ مَ نْرّ مَسٍن دُنِحَ بّ.

قٍ كٌبِ مُ تٌمَ وٌ شَ بْشِ مَ، فبَلٌي مُ وٌ شْنيِ لِمَ. وٌ شَ تّتّ شِلِ قَلَمَ نّ ‹كِسِ،› وٌ شَ تَا نَادّ شِلِ قَلَ ‹مَتْشْي.›

هَلِ وٌ مُ وٌ شَ تَا نَادّيٍ بَلَن، بَرِ مَ مِشِيٍ قَمَ نّ نَاقُلِ رَ كٍلِقٍ حَمَنّ مَ، عٍ شَ مَنفّيٍ تِشِ يَرٍ.

حْشْمّ فَلِ وُيَمَ نّ وٌ شَ بْشِ مَ، قَقٍ رَ كٍلِقٍ مَدِيَن نُن عٍقَ بْشِ مَ. نَشٍيٍ قَمَ كٍلِقٍ سٍيبَ، عٍ قَمَ شّيمَ نُن سُرَيِ نَن نَ، عٍ نُ عَلَتَلَ مَتْشْ.

«شْحّيٍ يَتِ قَمَ نّ وٌ شَ تّتّ رَكٍلِدٍ، حَمَنّيٍ مَنفّيٍ وَلِمَ نّ وٌ بّ. هَلِ ﭑ تٌ وٌ حَشَنكَتَ ﭑ مَ شْنّ كُي، ﭑ قَمَ نّ هِننّدٍ وٌ رَ ﭑ مَ كِنِكِنِ شَ قٍ رَ.

«هَلِ ﭑ وٌ رَبٌلٌ نّ نُ، مِشِ يٌ مُ لُ وٌ شَ بْشِ مَ، ﭑ قَمَ نّ وٌ قِندِدٍ سِ شُنفبٍ رَ، نَشَن لُمَ شُننَكٍلِ كُي عَبَدَن.

حَمَنّيٍ شَ مَنفّيٍ شِحّ قِمَ نّ وٌ مَ. نَ كُي وٌ عَ كٌلٌنمَ نّ عَ ﭑ تَن نَن نَ عَلَتَلَ رَ، وٌ رَكِسِمَ، وٌ شُنسَرَ مَ، يَشُبَ مَرِفِ سّنبّمَ.