Popular Bible Verses from عَننَبِ عٍسَيِ 6

Share

ﭑ نَشَ ﭑ مَرِفِ شُي مّ عَ مَسٍن نَ، «ﭑ نَ ﭑ ندٍ شّيمَ؟ ندٍ سِفَمَ شّيرَ عِبَدٍ مُشُ بّ؟» ﭑ نَشَ عَ يَابِ، «ﭑ تَن نَن يَ. عِ شَ ﭑ تَن شّي.»

عٍ نُ قَ عَ قَلَ عٍ بٌورٍ بّ عٍ شُي عِتٍشِ رَ، عَلَتَلَ سّنبّمَ سّنِيّن هَن! عَ شَ نْرّ دُنِحَ بِرِن لِمَ نّ!

نَ كُي ﭑ نَشَ فبٍلٍفبٍلٍ، «حَشَنكَتّ نَ ﭑ بّ، بَرِ مَ ﭑ قِندِشِ عَدَ مَدِ سّنِيّنتَرٍ نَن نَ، نَشَن سَبَتِشِ حَمَ سّنِيّنتَرٍ يَ مَ. ﭑ يَيٍ نَ ﭑ مَرِفِ عَلَ سّنبّمَ تٌ، ﭑ قَشَمَ نّ!»

مَنفّ عٌسِيَسِ قَشَ حّ نَشَن نَ، ﭑ نَشَ ﭑ مَرِفِ عَلَ تٌ عَ شَ كِبَنيِ عِتٍشِ كُي. عَ شَ نْرّ نُ فبٌ، عَ شَ دٌنمَ شُنفبٍ نُ عِتَلَشِ عَ شَ هْرْ مْلِنفِرَ كُي.

عَ نَشَ عَ دْشْ ﭑ دّ رَ عَ قَ عَ قَلَ، «يِ تٌ بَرَ دِن عِ دّ رَ، عِ شَ تِنشِنتَرٍيَ بَرَ بَ، عِ شَ يُنُبِ بَرَ شَقَرِ.»

مَلٍكّيٍ نُ نَ عَ شُن مَ. فَبُتٍنيِ سٍننِ نُ نَ كَنكَن بّ؛ فَبُتٍنيِ قِرِن نُ عٍ يَتَفِ مَكٌتٌشِ، قِرِن نُ عٍ سَنيِيٍ مَكٌتٌشِ، قِرِن نَن نُ عَ نِيَمَ عٍ شَ حّرّ كٌورٍ مَ.

نَ تّمُي نَ مَلٍكّ كٍرٍن نَشَ تُفَن، عَ قَ ﭑ يِرٍ، تّ وٌلٍ كٍرٍن نَ عَ يِ رَ عَ نُ بَرَ نَشَن تٌنفٌ سّرّشّبَدٍ كُي.

عَوَ، عَ نَشَ عَ قَلَ ﭑ بّ، «سَ عَ قَلَ يِ حَمَ بّ، ‹وٌ وٌ تُلِ مَتِمَ ﭑ نَ، كْنْ وٌ مُ قَهَامُي سْتْ؟ وٌ قٍ مَتٌمَ، كْنْ وٌ مُ عَ كُي كٌلٌن؟›

عِ شَ يِ حَمَ شَشِلِ رَشْرْشْ، عِ شَ عٍ تُلِ دّ سّ، عِ شَ عٍ يَ رَفَلِ. عٍ يَ نُ نْمَ تٌ تِدٍ، عٍ تُلِ نُ نْمَ قٍ مّدٍ، عٍ شَشِلِ نُ نْمَ قَهَامُي سْتْدٍ، عٍ قَ تُوبِ، عٍ كِسِ.»