Popular Bible Verses from عَننَبِ عٍسَيِ 42

Share

«ﭑ تَن عَلَتَلَ نَن نَ، نَشَن عِ شّيشِ، نَشَن عِ مَكَنتَشِ، نَشَن عَ نِيَ عِ شَ قِندِ سَاتّ سَابُي رَ عِبُنَدَ مَ بّ، نَشَن عَ نِيَ عِ شَ قِندِ نَءِيَلَنيِ رَ حَمَنّيٍ بّ، عَلَكٌ عِ شَ دْنشُييٍ يَ رَبْو، عِ شَ فٍيلِمَنِيٍ رَ مِنِ فٍيلِ، عِ شَ مِشِيٍ شْرّيَ نَشٍيٍ نَ دِ مِ كُي.»

«عَلَتَلَ نَن ﭑ نَ، ﭑ شِلِ نَن نَ كِ. ﭑ مُ وَ مَ ﭑ قِرِن ندٍ شْن، ﭑ مُ تِنمَ ﭑ مَ مَتْشْي شَ قِ كُيٍيٍ مَ.

ﭑ مَ كٌنيِ سُفَندِشِ نَن يِ كِ، ﭑ حْشْ سَشِ نَشَن شْن مَ، ﭑ نَشَن شَنُمَ ﭑ نِي بِرِن نَ. ﭑ بَرَ ﭑ شَشِلِ رَفٌرٌ عَ مَ. عَ تِنشِنيِ مَسٍنمَ نّ حَمَنّيٍ بّ،

عَ مُ كَلٍ كُنتِنشِ عِفِرَ مَ، عَ مُ لَنثُي دّشّ شُرِ رَشُبٍنمَ. عَ كِيتِ سَمَ عَ سّرِيّ كِ نَن مَ. عَ مُ دَفَلَنمَ، عَ مُ بِرَ مَ، هَن عَ فّ تِنشِنيِ رَ سَبَتِدٍ دُنِحَ مَ. حَمَنّيٍ شَشِلِ تِمَ عَ شَ يَامَرِ تِنشِنشِ نَن نَ.

ﭑ دْنشُييٍ رَحّرّ مَ نّ كِرَ ندٍ رَ، عٍ مُ نَشَن كٌلٌن، ﭑ دِ مِ قِندِ عٍ بّ نَءِيَلَنيِ رَ، ﭑ بْشِ مَفٍشِ قِندِ بْشِ سَشِ رَ عٍ حّرّ مَ دّننَشّ. ﭑ نَ نَن يَتِ رَبَمَ عٍ بّ، ﭑ مُ عٍ رَبّحِنمَ.

ﭑ مَ مَسٍنيِ سِنفٍيٍ بَرَ رَكَمَلِ، ﭑ مَن قٍ نّينّ مَسٍنمَ نّ وٌ بّ نَشَن قَمَ رَكَمَلِدٍ. ﭑ نٍيٍ شَ قٍ رَكٌلٌن وٌ رَ بٍينُ عٍ شَ رَبَ.»