Popular Bible Verses from عَننَبِ عٍسَيِ 11

Share

عَلَتَلَ شَشِلِ فٌرٌ مَ نّ عَ مَ، عَ قِندِ قَهَامُي، كٌلٌنيِ، مَرَ سِ، سّنبّ، نُن عَلَ يَرَفَاشُي رَ. عَ سّيوَ مَ نّ عَلَتَلَ شَ يَرَفَاشُي كُي. عَ مُ كِيتِ سَمَ قٍ تٌشِ شَ نَ مُ عَ رَ قٍ مّشِ تُن شَ مَ.

سَلٌنيِ ندٍ بُلَمَ نّ يِسَيِ بْنسْي مَ، عَ سَنكٍ عَ نِيَمَ نّ عَ شَ بٌفِ قَنيِ رَ مِنِ.

عَ مِسِكِينّيٍ مَكِيتِمَ نّ تِنشِنيِ رَ، عَ نَتّ قَنيِ تٌنفٌ سٍتَرٍيٍ بّ. عَ دُنِحَ مَكِيتِمَ نّ عَ شْرْشْي رَ، عَ يَامَرِ قِ مِشِ حَاشِيٍ شَ سْنتْ.

عَ قٍ بِرِن نَبَمَ تِنشِنيِ نَن نَ، عَ شَ لَايِدِ مُ كَنَمَ قٍوٌ.

قٍ شْرْشْي يٌ مُ سْتْمَ ﭑ تَن عَلَتَلَ شَ فٍيَ سّنِيّنشِ قَرِ، دُنِحَ بِرِن ﭑ كٌلٌنمَ نّ عَلْ يّشّيٍ بَا كٌلٌنمَ كِ نَشّ.

نَ لْشْي، وُلَءِ بَرٍ نُن يّشّي لُمَ نّ يِرٍ كٍرٍن، شُلُمَسٍ نُن سِ، نِنفٍ يْرّ نُن يّتّ، عٍ بِرِن لُمَ نّ يِرٍ كٍرٍن، دِ مّدِ ندٍ قَ عٍ دّ مَدٌن.

نَ لْشْي، يِسَيِ بْنسْي قِندِ مَ تْنشُمَ نَن نَ سِ بِرِن بّ، عٍ قَ عٍ شُن تِ عَ رَ بِنيّ كُي.