Popular Bible Verses from قْلّ 39

Share

عَلَتَلَ نُن يُسُقُ نَن نُ عَ رَ. يُسُقُ نُ قٍ نَشَن بِرِن نَبَمَ عَ شَ مَنفّ مِسِرَكَ شْنيِ، عَ بِرِن نُ قَنمَ نّ عَ يِ رَ.

نَ نَن عَ تٌ، ثٌتِقَرِ نَشَ عَ شَ سٍ بِرِن تَشُ يُسُقُ رَ. عَ تَن مُ نُ قَ عَ حّنفِ سَشِ قٍقٍ شْن مَ، قٌ عَ نُ دٌنسٍ نَشَن دٌنمَ. مِشِ تٌقَنيِ نَن نُ لَنشِ يُسُقُ مَ.

فٍيلِ مَنفّ نَشَ فٍيلِمَنِيٍ تَشُ يُسُقُ رَ. قٍ نَشَن بِرِن نُ رَبَمَ، عَ نُ دَنفِمَ عَ تَن نَن مَ.

عَ بْحّ نَشَ تٍ عَ حَاشِ رَ. عَ نَشَ يُسُقُ بَلَن مَنفّ شَ فٍيلِمَنِيٍ نُ نَ دّننَشّ. كْنْ مّننِ قَن، عَلَتَلَ مّينِ نّ عَ مَ. عَ نَشَ عَ رَفِرِ يُسُقُ نُن فٍيلِ مَنفّ دّ شَ قَن.

تّمُي ندٍ تٌ دَنفِ، يُسُقُ شَ مَنفّ شَ فِنّ يَ نَشَ سِن عَ عِ. عَ نَشَ عَ قَلَ عَ بّ، «قَ بٍ، وٌن شَ قَ كَقُ.» يُسُقُ نَشَ تٌندِ، عَ قَ عَ قَلَ عَ شَ مَنفّ شَ فِنّ بّ، «كَقِ ﭑ نَشَ قَ ﭑ مَ مَنفّ شْنيِ عَ مُ عَ حّنفِ سَشِ قٍقٍ شْن مَ كْرّ عَ شَ بَنشِ كُي. عَ بَرَ عَ هَرِفٍ بِرِن تَشُ ﭑ نَ. عَ شَ بَنشِ كُي بٍ، ﭑ تَن نَن دَنفِ مِشِ بِرِن نَ. عَ مُ سٍسٍ رَقِسَشِ ﭑ بّ، قٌ عِ كٍرٍن، بَ عِ تَن بَرَ قِندِ عَ شَ فِنّ رَ. يَكْسِ، ﭑ قٍ حَاشِ رَبَمَ مُنقٍ رَ نَشَن قِندِ يُنُبِ قٍ رَ عَلَ بّ؟»

لْشْي ندٍ يُسُقُ نَشَ سٌ بَنشِ كُي عَ شَ وَلِ رَبَدٍ. كٌنيِ فبّتّ يٌ مُ نُ نَ بَنشِ كُي نَ تّمُي. ثٌتِقَرِ شَ فِنّ نَشَ عَ سُشُ عَ شَ دٌنمَ مَ. عَ نُ قَ عَ قَلَ عَ بّ، «وٌن كَقُ!» فِنّ تٌ يُسُقُ شَ دٌنمَ سُشُ، يُسُقُ نَشَ مِنِ عَ شَ دٌنمَ كُي عَ عَ لُ فِنّ بّلّشّ، عَ مِنِ عَ فِ رَ تَندٍ.