Popular Bible Verses from عَننَبِ عٍسٍكِيٍلِ 37

Share

نَ تّمُي عَ نَشَ عَ مَسٍن ﭑ بّ، «عِ شَ مَسٍنيِ تِ يِ شْرِيٍ بّ ﭑ شِلِ رَ. عِ شَ عَ قَلَ عٍ بّ، ‹شْرِ شَرَشِيٍ، وٌ وٌ تُلِ مَتِ عَلَتَلَ شَ مَسٍنيِ رَ. وٌ مَرِفِ عَلَتَلَ يِ نَن مَسٍنشِ وٌ تَن شْرِ شَرَشِيٍ بّ، عَ نَشّ؛ ﭑ شَ نِي قٌيٍ رَقَ وٌ مَ، وٌ مَن شَ بَلٌ.

ﭑ قَسّيٍ يَءِلَنمَ نّ وٌ بّ، ﭑ قَتٍ سُبٍ نُن قَتٍ كِرِ سَ وٌ مَ، ﭑ حّنفِ رَ سٌ وٌ قَتٍ عِ، وٌ قَ فبِلٍن بَلٌ رَ. نَ تّمُي، وٌ عَ كٌلٌنمَ نّ عَ ﭑ تَن نَن نَ عَلَتَلَ رَ.›»

عَ نَشَ ﭑ مَشْرِن، عَ نَشّ، «عَدَ مَدِ، يِ شْرِيٍ مَن نْمَ بَلٌدٍ؟» ﭑ نَشَ عَ يَابِ، «ﭑ مَرِفِ عَلَتَلَ، عِ كٍرٍن نَن عَ كٌلٌن!»

عَلَتَلَ سّنبّ نَشَ فٌرٌ ﭑ مَ، عَ شَشِلِ سّنِيّنشِ نَشَ ﭑ تٌنفٌ، عَ سَ ﭑ تِ فُلُنبَ ندٍ تَفِ شْرِيٍ فبٍفبٍ نُ نَ دّننَشّ. عَ نَشَ ﭑ نَحّرّ نَ شْرِيٍ لٌنفٌرِ رَ، عٍ بِرِن شَرَشِ فبٍن.

ﭑ نَشَ عَ شَ مَسٍنيِ رَدَنفِ عَلْ عَ ﭑ يَمَرِ عَ رَ كِ نَشّ. ﭑ تٌ نُ وْيّنمَ عَ نَمِحْنمّ كِ مَ، شُي ندٍ نَشَ مِنِ شْرِيٍ تَفِ، عٍ وُندُ، عٍ قَ سٌ عٍ مَسٌقٍ عٍ بٌرٍ رَ. ﭑ نَشَ قَسّيٍ، سُبٍ، نُن كِرِ تٌ عٍ مَ، كْنْ نِي قٌيٍ مُ نُ رَ سٌشِ عٍ قَتٍ.