Popular Bible Verses from يّتّ سْتْي 7

Share

عَلَتَلَ نَشَ عَ مَسٍن مُنسَ بّ، «هَرُنَ شَ عِ شُي مَدَنفِ قِرَوُنَ بّ عَلْ نَمِحْنمّ عَلَ شُي مَدَنفِمَ مِشِيٍ بّ كِ نَشّ.

ﭑ قِرَوُنَ شَشِلِ رَشْرْشْمَ نّ. ﭑ تْنشُمَ نُن كَابَنَكٌ فبٍفبٍ رَبَمَ نّ مِسِرَ بْشِ كُي، كْنْ قِرَوُنَ مُ قَمَ عَ تُلِ مَتِدٍ وٌ رَ. ﭑ قَمَ نّ حَشَنكَتّ شْرْشْييٍ دْشْدٍ مِسِرَ مَ، ﭑ قَ ﭑ مَ حَمَ عِسِرَيِلَ رَ مِنِ عَ لَنشُندّ كِ مَ.

ﭑ نَ مِسِرَ هَلَكِ عِسِرَيِلَ رَ مِنِقٍ رَ عٍ تَفِ، عٍ ﭑ كٌلٌنمَ نّ عَلَتَلَ رَ.»

نَ تّمُي قِرَوُنَ نَشَ عَ شَ كَرَ مْشْييٍ نُن عَ شَ مَندُرُلَيٍ شِلِ، عٍ شَ نَ كَابَنَكٌ مْولِ رَبَ عٍ شَ دُورٍيَ رَ. عٍ نُن هَرُنَ بِرِن نَشَ عٍ شَ يِسُشُوُرِيٍ وٌلِ بْشِ مَ. نٍيٍ بِرِن نَشَ مَقِندِ بْشِمَسٍيٍ رَ، كْنْ هَرُنَ فبٍ نَشَ بٌورٍ فبٍ فٍرُن.

نَ كُي عَلَتَلَ شَ مَسٍنيِ نَن يَ، «نَ نَن عَ رَ، عِ قَمَ عَ كٌلٌندٍ، ﭑ تَن نَن عَلَتَلَ رَ. ﭑ مَ يِسُشُوُرِ نَ دِن نِلِ شُرٍ رَ، يٍ مَقِندِ مَ نّ وُلِ رَ.

«قِرَوُنَ نَ عَ قَلَ وٌ بّ، ‹وٌ شَ كَابَنَكٌ ندٍ رَبَ،› عِ تَن مُنسَ، عِ شَ عَ قَلَ هَرُنَ بّ، عَ شَ عِ شَ يِسُشُوُرِ تٌنفٌ، عَ عَ وٌلِ قِرَوُنَ سّيتِ مَ. نَ مَقِندِ مَ نّ بْشِمَسٍ رَ.» نَ كُي مُنسَ نُن هَرُنَ نَشَ سِفَ قِرَوُنَ يِرٍ، عٍ قَ عَ رَبَ، عَلْ عَلَتَلَ عٍ يَمَرِشِ كِ نَشّ. هَرُنَ نَشَ مُنسَ شَ يِسُشُوُرِ وٌلِ بْشِ مَ قِرَوُنَ نُن عَ شَ كُنتِفِيٍ يَ عِ، نَ نَشَ قِندِ بْشِمَسٍ رَ.