Popular Bible Verses from Kaban Acts 13

Share

Yala-yalaku jana murumarin Godunji balkawanka. Jana mayi kari nukan balkawanka Godunji. Godundumundu Wawubu jananda yalaman, “Yurra bulanin Barnabas, and Saul yunga. Ngayu wawu bula kuku ngaykunku yirrkanka bubungu yindu-yinduymbu yiringkurrku.” Jana mayi kari nukan, Godunji balkawanka baja bulanka. Jana marabu dukul karrban bulangan, praymanijin, bulanin yunganda.

Yurra nguba ngujakura law wukurril. Lawbu yurranga buyun-buyun kari bajaku kidan. Yurra buyun-daman baja. Yamba yurra yinya Jesus kuku nyajil, and believeim-bal, God nyulu yurrawunku buyun-buyunku milka-wulayarrkuda.

Godungku ngalinyanda yalaku balkan dunganka bamanda Gentile-warranda. Nyulu yalaman, ‘Yubal yala ngaluri bamanga Gentile-warramu yiringkurrku, jana nganya warrmba-bunganka. Jana nganya kuku nyajil, and believeim-bal, ngayu jananga dukurr juran-bungal.’ ”