Popular Bible Verses from Galaatiya'en 6

Share

To' en com huugo ko vooɗi, gam kul en tampaay en taƴey ko vooɗi to wakkaci ɗuum warii.

Gam ma'ajum, nde keɓɗen laawol fuu en kuwan yimɓe ko vooɗi, ɓurna muuɗum banndiraaɓe meeɗen goonɗinɓe.

Mballindiree roondaago dowle mooɗon. To on mbaɗii noon, ndeen on kebbinii ko dooka *Almasiifu vi'i.

To' on ƴoynu ko'e mooɗon, gam Allah jammbataake. Ko neɗɗo aawi fuu, kanjum taƴata.

Aawɗo ko velata giɗaaɗi ɓanndu muuɗum, no taƴey ko giɗaaɗi ɓanndu rimata, waato maayde. Ammaa aawɗo ko velata *Ruhu Ceniiɗo no taƴey yonki ɗum faa abadaa.

Banndiraaɓe, to on ngi'ii goɗɗo e waɗa layfi, onon woonɓe *Ruhu Allah mbittinee mo dow laawol booɗngol e hakkiilo. Ammaa onon boo, kakkilanee ko'e mooɗon gam to' on njan nder jarrabeeji.

To neɗɗo nyumii e laatii goɗɗum, ammaa o laataaki noon, o ƴoynii hoore ma'ako. Sey koo moye fuu eta kuugal muuɗum yi'a to e ngal vooɗi. Ndeen o mantoro hoore ma'ako e ko o waɗi, naa sey to o fotnii hoore ma'ako e goɗɗo. Gam nyanndeere e wara nde koo moye fuu roondotoo donngal kuuɗe muuɗum.