Popular Bible Verses from Galaatiya'en 4

Share

Daahir en ɓiɓɓe Allah, kanjum waɗi o liloyi Ruhu Ɓiyiiko nder ɓerɗe meeɗen. Ruhu oon gonɗo nder meeɗen e noddira Allah « Baaba ». Gam ma'ajum, jo'oni naa on maccuɓe, on ɓiɓɓe. Nde laatii on ɓiɓɓe, on ndoney ko Allah ronnata ɓiɓɓe muuɗum.

Ammaa nde wakkaci ɗum Allah resi heevi, o liloyii Ɓiyiiko. *Ɓiɗɗo oon danyaama e debbo, o jooɗii lees *Tawreeta, gam o rimɗina ɓeen wonɓe lees baawɗe Tawreeta, o laatina en ɓiɓɓe Allah.

Ammaa jo'oni nde annduɗon Allah, koo boo mi vi'a Allah e anndi on, noye co''ortooɗon lees baawɗeeji laamaniiɗi duuniyaaru tampuɗi, mehereeji ? Na on ngiɗi so''itaago lees maccungaaku ma'aji kadimaa ?