Popular Bible Verses from 1 Timote 6

Share

Haɓ haɓre goonɗinki booɗki gam keɓanaa hoore maaɗa yonki ɗum faa abadaa. Allah noddii ma keɓaa yonki ɗuum, wakkaci caaydinɗaa goonɗinki maaɗa yeeso caaydu'en ɗuuɗɓe.

Gam yiɗde ceede woni ɗaɗol koo iri ndeye halleende. Yiɗde ma'aje waɗi woɓɓe ngoori goonɗinki mu''en, ɓe pooɗani ko'e maɓɓe torraaji mettuɗi ɗuuɗɗi.

Daahir e woodi risku manngu nder goonɗingo Allah, kul neɗɗo yavaay ko woodi.

En ngardaay e koo ɗume nder duuniyaaru, noon boo co''ortooɗen.

Vaggin riskuɓe nder duuniyaaru, to' ɓe mawnito, to' ɓe ndes tammunde maɓɓe dow jawdi ndi neeɓataa, ammaa ɓe ndesa goonɗinki maɓɓe e Allah kokkeyɗo en koo iri nguye caahu, gam nanen belɗum.

Ammaa yillotooɓe risku, estooji no ngaraney ɓe, ɓe ndo''oo nder teppinirgol suunooji mehereeji kalluɗi, jahareyɗi yimɓe nder do''ere e halkere.

Vi' ɓe, ɓe kuwa ko vooɗi, kuuɗe booɗɗe laatoo risku maɓɓe, ɓe laatoo saahiiɓe, ɓe mballira woɓɓe e jawdi maɓɓe. To ɓe mbaɗii noon, ɓe ndesanii ko'e maɓɓe risku tabbiteyngu, gam faa ɓe keɓa yonki goongajum.