Popular Bible Verses from 1 Timote 3

Share

Daahir sirri diina meeɗen no mawɗum : Mo vannginaama e siifa neɗɗo, Ruhu hollii o goongaajo, malaa'ika'en ngi'ii mo, habaru ma'ako ma'atinaama nder leƴƴi, yimɓe duuniyaaru ngoonɗinii mo, Allah ƴeentinii mo, hokkii mo teddungal manngal.

Sey aardiiɗo laatoo neɗɗo mo walaa feloore, mo debbo go'oto, mo walaa koɗey, kakkilɗo, ne'iiɗo, jaɓɓotooɗo hoɗɓe, baawɗo ekkitinol.

Sey o laatoo darvanɗo wuro ma'ako booɗɗum. O elta ɓiɓɓe ma'ako, faa ɓe ɗowtanoo mo, ɓe teddina mo.

Balloowo nder ikiliisiya sey laatoo mo debbo go'oto, darvanɗo ɓiɓɓe muuɗum e wuro muuɗum fuu booɗɗum. To ɓe kuwii kuugal maɓɓe booɗɗum, ndeen ɓe keɓaney ko'e maɓɓe innde vooɗnde. Noon ɓe keɓrata volvugo e ngorgu dow goonɗinki maɓɓe e Yeesu *Almasiifu.