Popular Bible Verses from 1 Tesaloonika'en 5

Share

Mbelmbeltee wakkaci fuu. To' on ngoor waɗgo do'aare. Ngettee Allah nder ko tawi on fuu, gam kanjum woni ko Allah yiɗi nder kawtal mooɗon e Yeesu *Almasiifu.

Allah kokkoowo en jam e hoore muuɗum, sena on, reena laaɓal ɓerɗe e yonki e ɓalli mooɗon fuu, gam laatooɗon ɓe ngalaa feloore faa nyannde bittoyki Jawmiraawo meeɗen Yeesu Almasiifu. Allah nodduɗo on o koolniiɗo, o waɗaney on ɗum.

Kakkilee, to' goɗɗo mooɗon wa'ato baɗanɗo ɗum layfi, ammaa wakkaci fuu ndaaree waɗgo kuuɗe booɗɗe hakkunde mooɗon, onon e yimɓe fuu.

Gam ma'ajum sey cemmbiɗindiron, mballindiron nder goonɗinki mooɗon, noon no mbaɗoton jo'oni.

Emin toroo on banndiraaɓe, mbagginee yamniiɓe, cemmbiɗinee hulooɓe, mballitee ɓe ngalaa semmbee, munyanee yimɓe fuu.

Allah suɓaay en gam huunƴana en, ammaa gam keɓen kisndam gada to Yeesu *Almasiifu Jawmiraawo meeɗen.

On fuu on ɓiɓɓe jayngol, on yimɓe nyalawma. Enen naa en ɓiɓɓe niɓre koo jemma.