Popular Bible Verses from 1 Biiturus 4

Share

Ko ɓuri manngu fuu woni, ngiɗngiɗtiron e ɓernde wo'ore, gam yiɗde e ya'afoo hakkeeji ɗuuɗɗi.

Allah hokkii koo moye mooɗon fuu kokkal muuɗum. Kuutiniree kokke ɗeen gam nafron ɗe woɓɓe, ndeen on laatake reennaaɓe kokke Allah vooɗɓe.

Ga'ajotooɗo, sey wa'ajina bolle Allah tan. Balloowo woɓɓe boo, sey vallira ɓe e semmbee ɗum Allah hokki ɗum. Gam Allah teddinee nder kuuɗe ɗeen fuu gada e Yeesu *Almasiifu. Teddungal e baawɗe laatanoo mo faa abadaa ! Aamiin !

Ammaa to goɗɗo mooɗon torraama gam o tokkuɗo Yeesu, to' o nan cemtuɗum, ammaa sey o yetta Allah gam o raaraama tokkuɗo Almasiifu.

Timmoode ku'uje fuu ɓadake. Gam ma'ajum, kakkilee, ndeenee ko'e mooɗon, gam mbaawon waɗgo do'aare.

Yiɗaaɓe am, to' torraa ngareyka to mooɗon gam godaago on, haayno on. Koo to ka naawri ba yiite, to' on ndaar ka kama ka haanaa heɓgo on. Ammaa nanee belɗum to on kawtii e Yeesu *Almasiifu nder torraaji, faa keevon velvelo ngo walaa keerol to teddungal ma'ako vanngi.

Njaɓɓee hoɗɓe nder gure mooɗon e velvelo, naa e hissa.

Gam ma'ajum, torraaɓe dow nyumo Allah fuu, sey ɓe ti'inoo waɗgo kuuɗe booɗɗe, nder halfingo ko'e maɓɓe e Allah tagoowo, kebbinoowo *alkawal muuɗum.

Nde laatii *Almasiifu torraama nder ɓanndu, onon boo sey ciryooɗon ɓerɗe mooɗon ndartanooɗon torraaji kama Almasiifu. Gam torriiɗo nder ɓanndu seedi e hakke. To noon, gada jo'oni faa timmoode balɗe mooɗon nder duuniyaaru, tokkee ko Allah yiɗi, ngooree tokkugo giɗaaɗi ɓanndu.

Barkaa laatanto on, to yimɓe njaltinirii on gam innde Yeesu Almasiifu, gam e ɗum holla Ruhu tedduɗo, waato *Ruhu Allah, e wondi e mooɗon.