Popular Bible Verses from 1 Korontu'en 6

Share

Koo on anndaa ɓalli mooɗon laatii suudu *Ruhu Ceniiɗo gonɗo nder mooɗon mo Allah hokki on naa ? To noon, on njeyaa ko'e mooɗon, Allah soottorake on e fii caɗɗum. Gam ma'ajum teddiniree Allah ɓalli mooɗon.

On anndi daahir waɗooɓe ko halli nattataa *laamu Allah. To' on ƴoynee, gam halluɓe, e sujjidanooɓe gumkiiji, e waɗooɓe njeenu, e worɓe waaldeyɓe e worɓe, e wuyɓe, e ɓe koɗey, e yarooɓe, e huɗooɓe yimɓe, e te'etooɓe, koo go'oto nder yimɓe ɓeen nattataa laamu Allah.

Nyaaree njeenu. Hakke ɗum neɗɗo waɗi fuu, ɗum nyiddintaa ɓanndu muuɗum, ammaa baɗɗo njeenu fuu nyiddinii ɓanndu muuɗum.

Woɓɓe mooɗon e mbi'a : « Emi waawi waɗgo ko veli yam fuu. » Ee, ammaa wanaa ɗum fuu nafata. Ɗum goonga, emi waawi waɗgo koo ɗume fuu, ammaa mi jaɓataa laataago maccuɗo koo ɗume.

Noon no Allah ummitiniri Jawmiraawo meeɗen nder maayde, noon o ummitinirta ɓalli meeɗen enen boo, gada e baawɗe ma'ako.