Popular Bible Verses from Labidakas 10

Share

Wal det dubala san blanga Eran gulum Neideb en Abaihu bin gajim det kopawan dish blanga dubala en dubala bin pudum det laibala tjakol langa dubala dish, en dubala bin miksimap det gudsmelwan medisin en gibit langa YAWEI det trubala God. Bat det faiya im nomo bin seikridwan, dumaji YAWEI nomo bin dalim dubala blanga gibit.

En Mosis bin tok langa Eran, “Dijan na wanim YAWEI bin tok, ‘Ol detlot hu wek blanga mi garra rispek mi, en ai garra shoum olabat det brabli strongbala pawa blanga main langa ol main pipul olabat.’ ” Bat Eran bin jidanbat brabli kwaitbala.

Wal streidawei YAWEI bin jandim faiya, en det faiya bin binijimap dubala deya lida langa YAWEI.