Popular Bible Verses from Jadjis 16

Share

“Semsan! Ola Filastainmob iya na!” Wal wen Semsan bin gidap, imbin tok, “Im rait. Ai garra bidim olabat en meigim miselp fri jis laik aibin oldei dumbat.” Bat im nomo bin sabi YAWEI det trubala God bin deigidawei det pawa brom im.

Wal wen Semsan bin tatjim det dubala ston, imbin jingat langa YAWEI, “YAWEI, yu na det boswan God. Wal yu jinggabat mi, en yu gibit mi pawa en meigim mi strongbala blanga peiyimbek dislot Filastain pipul, dumaji deibin deigimat main dubala ai.”

en afta imbin dalim im trubala, “Nobodi neba kadim main heya bifo, dumaji brom beibitaim aibin jidan jis laik det speshalwan men blanga God gulum Nesarait. En if enibodi kadim main heya, wal det pawa garra libum mi, en afta ai garra jidan jis laik enibodi.”

Wal det gel bin kipgon askimbat Semsan raidap imbin nokap langa im dumaji im askimbat im olataim

en imbin jingat adbala, “Larram mi dai iya gin garram ola Filastain pipul!” En imbin pushum det dubala ston brabli adbala, en imbin meigim det haus buldan ontop langa detlot faibala king en ola najalot pipul deya, en Semsan bin dai deya du. Wal wen Semsan bin laibala, imbin kilim loda Filastain pipul ded. Bat ol detlot pipul bin lilbit langa detlot pipul weya imbin kilim deya langa det haus weya imbin dai.