Popular Bible Verses from Isikiyel 37

Share

Wal imbin dalim mi blanga tok langa detlot draiwan boun na, en dalim olabat wanim YAWEI im tok langa olabat, “Mi na YAWEI det boswan God garra blowin langa yumob en yumob garra gidap laibala igin.

Ai garra pudum bif en skin langa yumob boun en ai garra gibit yumob laif en yumob garra sabi mi na YAWEI dum dijan.”

En imbin tok, “Isikiyel, yu reken dislot boun gin kambek en jidan laibala igin?” Wal aibin ensimbek im, “YAWEI, yu na det boswan God. Oni yu na sabi blanga tharran.”

Bambai na aibin filim det pawa blanga YAWEI det trubala God bin kaman en teikoba langa mi na, en det spirit blanga im bin garrimap mi en deigim mi langa det beli weya bin abum bigismob boun. Wal YAWEI bin shoum mi det beli weya detlot draiwan boun bin jidan oloba langa graun en aibin luk detlot draiwan boun bin jidan ebriweya.

Wal aibin dum wanim YAWEI bin dalim mi, bat bifo aibin binij toktokbat, aibin irrim detlot boun bin meigimbat nois. Wal detlot boun bin kambek mijamet na. En aibin luk ola bif en skin bin gaburrumap detlot boun, bat dei nomo bin abum laif.