Popular Bible Verses from Eksadas 39

Share

en Mosis bin tjekap ol detlot ting weya deibin dumbat, en imbin luk olabat bin dum ebrijing raitwei jis laik weya YAWEI bin dalim im blanga dum, en imbin tok gudbalawei langa detlot wekinmen blanga tharran.

en deibin bringimap ola brabli purdiwan klos blanga detlot serramonimen blanga werrimbat wen dei garra wek langa det Seikridwan Pleis. Detlot wekinmen bin dum ebrijing wanim YAWEI bin dalim Mosis blanga dum, en deibin deigim langa Mosis ol detlot ting weya deibin meigim blanga det Serramoni Pleis en ol detlot seikridwan klos blanga Eran det haibala serramonimen en detlot najalot klos blanga im fobala san

Bambai na detlot wekinmen bin binij meigimbat det Seikridwan Tent en ol detlot enijing jis laik weya YAWEI bin dalim Mosis blanga dum