Popular Bible Verses from Eksadas 15

Share

Imbin tok, “If yumob lisin langa mi brabliwei, en yumob dum wanim im rait langa mi, en yumob bulurrum ol dislot lowa main, wal ai kaan panishim yumob garram detlot seimwan trabul weya aibin panishim detlot Ijip pipul. Wal yumob garra duwit langa mi, dumaji mi na YAWEI, en mi na oldei meigim yumob gudbala.” Lagijat na YAWEI bin tok.

YAWEI im strongbala, en im oldei lukaftumbat wi. Im na bin seibum wi. Im na det God blanga wi, en wi garra preisim im. Im na det God blanga ola dedi blanga wi, en wi garra tok gudbalawei blanga im.

YAWEI, yu na det trubala God, en nomo eni drimin jidan seim laik yu. Yu brabli difrin brom enibodi. Nobodi garram pawa seim laik yu. Nobodi kaan dum eni klebabala ting seim laik yu. Nobodi kaan dum bigbala wek seim laik yu.

Yubin kipum det pramis blanga yu, en yubin seibum melabat. Yubin bringimap melabat iya, dumaji yu laigim melabat. Garram yu pawa yu garra deigim melabat langa det kantri weya yubin pikimat blanga melabat.

en afta deibin kamat langa wan pleis weya deibin faindim woda. Bat det woda bin brabli bitawan, en dei nomo bin dringgim, en deibin gulum det pleis Mara, dumaji det woda bin oldei jidan bitawan. Wal ola pipul bin gitwail langa Mosis na, en deibin tok, “Wanim melabat garra dringgim?” Wal Mosis bin jingat langa YAWEI, en YAWEI bin shoum im wan lilwan wadi deya, en Mosis bin gajim det wadi, en imbin tjakam langa det woda, en det woda bin meigim miselp gudwan blanga dringgim. Wal deya na langa det pleis YAWEI bin testim detlot Isreil pipul, en imbin gibit olabat dislot lowa na.