Popular Bible Verses from Dyudaranami 18

Share

Yumob nomo lau blanga sekrifais yumob biginini langa faiya langa det teibul blanga sekrifais ofring langa detlot drimin. En yumob nomo lau blanga dumbat klebabala ting blanga faindat wanim garra hepin langa yumob bambai. En yumob nomo lau blanga singim enibodi. En wen yumob luk samting langa skai laik det lait o wen det bard im jingat o najalot enijing, nomo jinggabat en bradin, en nomo go langa eni klebabala blanga faindat wanim im min. En yumob nomo lau blanga askim enijing langa det spirit blanga det dedbala.

Wal YAWEI nomo laigim detlot pipul hu oldei dumbat ol detlot nogudbala ting. Blanga tharran na im garra andimwei ol detlot nogudbala pipul brom det kantri blanga larram yumob jidan deya.

Wal wen det speshalwan mesinja tok, ‘YAWEI na bin dalim mi samting garra hepin,’ en det ting nomo hepin, wal yumob garra sabi det wed nomo blanga YAWEI. Det speshalwan mesinja na oni bin tok im ronselp, en yumob kaan bradin langa im.”

Wal yumob garra kipgon jidan trubala langa YAWEI.”