Popular Bible Verses from Sekan Thesaloniyans 2

Share

Najing. Dei dalimbat laiya, en yumob kaan bilib det wed. Yumob kaan larram enibodi trikim yumob, dumaji im nomo taim blanga Jisas Krais garra kambek yet. Det rait taim garra kaman afta wen loda pipul garra tenawei brom God, en det rait taim garra kaman afta det brabli wikitwan men garra kamat. Jisas Krais garra binijimap det men.

Praise Wal main braja en sista olabat, det Bos blanga wi laigim yumob, en melabat garra oldei gibit theingks langa God blanga yumob, dumaji God bin pikimat yumob en ola najalot Kristjan pipul basdam wen imbin meigim ebrijing, en imbin seibum yumob. Det Holi Spirit blanga God bin kadimat yumob blanga im, en seimtaim yumob bin bilib det trubala wed blanga im.

Bat det men garra meigim miselp bos langa ebrijing basdam. Im garra meigim miselp bos langa ola drimin en langa enikain ting weya pipul oldei bulurrumbat, en im garra go en jidan langa det Serramoni Pleis blanga God deya langa Jerusalem, en im garra gulum miselp God.

Wal Jisas Krais det Bos blanga wi bin laigim wi, en imbin brabli kainbala langa wi, en imbin oldei album wi en meigim wi trastim God brabliwei. Wal melabat askim im en God det Dedi blanga wi blanga album yumob. Melabat askim dubala blanga meigim yumob strongbala blanga kipgon dumbat ola gudbala ting en blanga kipgon toktok ola gudbala wed.

God bin yusum im ron pawa blanga meigim olabat jinggabat eniwei, en afta deibin bulurrum det brabli wikitwan men.

Bambai wen God garra deigidawei det sambodi, det taim na det brabli wikitwan men garra kamat, en im garra kaman garram pawa brom Seitin, en im garra dumbat olkain klebabala ting, en im garra yusumbat olkain laiyawan stori en ekshan blanga meigim ola pipul bulurrum im. Bat wen Jisas Krais det Boswan garra kaman, im garra jis bluwin garram im mawus, en kilim ded det brabli wikitwan men, en det brabli shainiwan lait blanga Jisas Krais garra binijimap det wikitwan men brabliwei. En ol detlot pipul hubin bulurrumbat det wikitwan men garra dai du, dumaji dei nomo bin bulurrum det trubala wed.

Yumob sabi wanim garra hepin, en yumob sabi samting deya im nomo oldei larram detlot ting hepin yet. Bat Seitin im olredi deya, en im meigimbat ola pipul nomo wandim teiknodis langa det lowa blanga God. Det brabli wikitwan men garra kamat wen im det rait taim. Bat detlot ting kaan hepin raidap God garra deigidawei det sambodi hubin holdimbek det wikitwan.