Popular Bible Verses from Fes Semyul 1

Share

Wal wen Hena bin prei, imbin meigim pramis langa God. “YAWEI, yu na det boswan God, en mi wekingel blanga yu. Wal yu jinggabat mi en luk langa ola trabul weya mi garram, en yu nomo foget langa mi. Ai wandim yu garra gibit mi san. En if yu gibit mi san, wal ai garra gibitbek im langa yu, en im garra jidan wekinmen blanga yu raidap im dai, en nomo enibodi nomo lau kadim im heya.” Lagijat na Hena bin tok.

Wal wantaim afta wen deibin binij dagadagat det daga langa det Seikridwan Tent blanga YAWEI deya langa det taun gulum Shailo, Hena bin gidap, en imbin go en sori miselp langa God, dumaji imbin nogudbinji brabliwei, en wen imbin prei, imbin kraikrai detmatj. Wal det serramonimen neim Ilai bin jidanbat deya langa det dowawei blanga det Seikridwan Tent weya imbin oldei jidanbat, en imbin luk Hena deya preiprei.

Wal det gel bin tok, “Nomo, bos. Mi nomo drangginwan. Mi nomo bin dringgimbat enijing. Mi brabli nogudbinji dijan, en aibin toktok langa YAWEI blanga ola trabul weya mi garram.

Aibin askim God blanga gibit mi dis lilboi, en imbin gibit mi wanim aibin wandim.

Wal det serramonimen bin dalim det gel, “Wal yu gobek na gudbinjiwei, en det God blanga ola Isreil pipul garra gibit yu wanim yubin askim im.”