Popular Bible Verses from Fes Karinthiyans 14

Share

Dei kaan larram det pawa bosoba langa olabat, dumaji God nomo wandi wi garra madulumap miselp. Im wandi wi garra abum sebis gudwei. Wal wen God pipul olabat majurrumap miselp langa eni tjetj, ola wuman garra jidan kwaitbalawei. Dei kaan toktok, en dei kaan jidan bos du jis laik im tok langa det Juwish lowa.

Wal yumob garra bulurrum det mobedawan wei weya aibin jis dalimbat yumob. Yumob sabi? Yumob garra laigim God brabliwei, en yumob garra laigim ola pipul brabliwei du. En yumob garra wandim detlot speshalwan pawa brom det Holi Spirit du.

Bat wen yumob garram det pawa blanga dalimbat pipul det wed brom God, yumob toktok langa ola pipul, dumaji dei sabi wanim yumob toktok, en yumob album olabat en meigim olabat strongbala, en yumob meigim olabat gudbinji du.

Yumob si? Wen yumob toktok garram difrinkain langgus, yumob albumbat yu ronselp. Bat wen yu dalimbat det wed brom God, yumob albumbat ola pipul langa det tjetj.

Yu si? Im seimwei du garram yumob. Yumob wandim detlot speshalwan pawa brom det Holi Spirit. En yumob garra wandim det pawa du weya garra meigim yumob jidan wanbala en meigim det tjetj blanga yumob strongbala.