Popular Bible Verses from El Apocalipsis 14

Share

Nianna tti biyienti tsi'i ttu benne unnebie yebáha, ree: ―Ben lo yetsi‑na: “Debá nnanna lhe nu si daa lhe, karubáru ka benne se'e lenke Jesucristuha ganna chi uttikeha.” Espíritu ge Tata Do Yebáha nna bekabie ree: ―Gwalí galá karubáruke, kini eyaka leke ge sina chi benke kumu nu tse benkeha nuha runna liina gasina uka elha ruin geke.

Laxkala ka benne chi ankake ge Tata Do Yebáha; delába ka benne rudoke tisa ge nu rabie ke uinke lhe abittu rudhanke ria leke Jesús‑ni lhe, ka benneha teeki tse'e tsitsike lo neda geeha.

Anjeliha rinnebie idisa, ree: ―Gwaltsia lele Tata Do Yebáha lhe gwaluni kini inná xxeni lebie kumu nnanna chiba bisia sá unie elhuxtisi. Gwaludú xibile arloe. Benneha benie yebáha lhe yiesi lo yu‑ni lhe, bengabe indatooha lhe ka dina ata sia ka inda‑na lhe.

Nianna danalha anjeli beyonnaha nna unnebie idisa, ree: ―Ganna nuxa udú xibini arlo nimala biria lhe'e indatooha lhe arlo mentu geniha lhe, anágaba nna ganna dhielhana tsu'u seña ge nuha lo xeani o si náni, nuha dhígabana elha disa tsitsi ugwe Tata Do Yebáha na kumu de risa'a xxattanie, delába sate xxattana xxuana lo giha lhe xxuana lo azufreha itena arlo ka anjeli banani Tata Do Yebáha lhe arlo benne anke Neru toha lhe. Ka nu udú xibikani arlo nimalaha lhe arlo mentu geniha lhe iyába ka nu tsu'u seña ge lániha latikani, ka nuha ttu dia liiba tsapi seni gekani de ritekana. Labí edí lekani, rela resába uyúkana elha disa tsitsi.

Nianna tti bela'ati benne anke Neru toha due iki i'iya nu tee láni Sión. Du lenie ttu gayua chua bixxi ttapa mili ka benne, delába ka benne dia lábie lo xeake lhe dia lá Tata geeha lhe.

Nianna tti bela'ati attu anjeli diabie ridúe gwetsáli, chebie ka tisa tse, delába ka tisa ka nu ttu dia liiba ixú nu ráke. Chebie ka tisaha kini kixxi'anie iyá looba ka benne se'e lhe'e iyába ka yiesi se'e yiesi lo yu‑ni lhe ka benne rinneke iyá looba tisa lhe.

Nianna danalha anjeli berupaha nna ree: ―Chiba use'e loo Babilonia nu ra xxeni leniha, kumu lana nuha beketina nu satsa ruinnaha ka benne se'e lhe'e iyába ka yiesi se'e yiesi lo yu‑ni, delába bele'enna ke bedhá ikike Tata Do Yebáha nna bedú xibike arlo ka diosi, ka nu subi subi.