Popular Bible Verses from Mateusi 28

Share

Ajawyi pekwa eayvu mojenu pirujẽ yvy pewarà kõ pè erokwa, ekoty rewarà kõ rõmõ toiko kupa. A'evo mãe kõ tapemojãmorĩ kõ Papa ayvu rupi. Ãmõ, ije, Ta'yry rõmõ, eayvu rupi teve tapemojãmorĩ kõ. Ãmõ teve, i'Ãg ayvu rupi teve, a'evo tapereko kõ. Ãmõ, tapemotekokuwa kõ erekoa rè, pirujẽ a'epa pejẽ maekwerà rupi toiko kupa. A'evo peiko remẽ, peneve aikotà. Ajaate yvy opa remẽ peneve aiko jẽtà aiko, e'i Jesu ijupe kõ. [Awyjepa Mateusi remikusiwarerà Jesu rewarà ky'y.]

Ãmẽ Jesu uu ipyri kõ imogeta kõ. Kee e'i ijupe kõ: – Papa eayvumokasi. Pirujẽ yvapewarà 'arà kyty aiko. Ãmõ, pirujẽ yvy pewarà kõ 'arà kyty teve aiko.

Ãmẽ Janejare'e remĩgwai e'i wãivĩ kõ pè: – Pejimonyi sõ! e'i. Akuwa Jesu tè peeka. Yvyra jipokana rè omãnõ maekwerà tè peeka. A'e natui ike ky'y. Opoerapa oẽ oo ky'y. Kõitokõ e'ipa maekwerà rupi katu tè a'evo ekoi. Pepota peike esa remẽ, peike ãmẽ esa. Ike eãgwerà tui mijã. [Natui ky'y ajamã'ẽ,] e'i.

E'i Jesu ijupe kõ: – Pejimonyi sõ! Pekwa jẽsi eretãrãgwerà kõ pè erewarà momewa, Karireja yvy kyty too erõvaisĩ kupa, e'i.

Ãmẽ aepo jaa jõvijãgwerà kõ wenu remẽ, ojimoaty ojimogeta kupa. – Manyvo jarekotà a'evoa tojikuwa e'ã? e'i kupa. Ajawyi kejavu karakuri ome'ẽ sota kõ pè kupa, tiwari kupa. – Kee tapejẽ ikenẽ: “Pya oroke remẽ, emimo'ekwerà kõ uu vija sikaepo oõvijã reãgwerà rekyi eraa”, tapejẽ ikenẽ. Tapekyje e'ã ikõ kovenatu wyi nẽ. A'evoa ojenu sõ ijupe remẽ, poropijarĩtà ãmẽ, kovenatu tapemomorijau e'ã, e'i ijupe kõ kupa. “Hoõ” e'i sota kõ ãmẽ. Ãmẽ owaria repykwerà opyy erojivy eraa kupa. Jõvijãgwerà kõ e'i maekwerà rupi katu omome'u erokwa kupa. Aepo jaa ojenu jẽ Juteu kõ pè. Ajaate age'e remeve aepo jaa ojenu.